اي لون اختار لستارة الميلس بليز ياليت اللي ادش تعطيني رايها

خواتي بغيتكن تساعدنّي في اختيار ستارة الميلس

القنفات بنيه شمواه مشيّر والإطار خشب
واليدار .. ورق جدرات اصفر وعليه ورود بنية

بغيت اعرف شو انسب لون حق الستاره !

بسير بعد يومين محل الستاير
وما ابى استعيل في اختيار اللون لانه حق الميلس واخاف ما يطلع حلو
عشان جيه حبيت اخذ شوركن

ياريت ما تردنّي

////////////////

وسؤال ثاني

غرفة النوم الرئيسية شو انسب لون لها ..

تعطي فخامه وتمييز عن باجي الغرف ؟!!

اما بخصوص الغرفع الرئيسيه للفخامه جربي ( احمر معا الذهبي ) او ( عنابي وسكري) او ( تركواز وبني ) او ( عيناوي واخضر ) ع حسب ذووقج

فديتج لو تحطين صور لدرجات الالوان اللي عندج احسن يفيدونج البنات اكثر لان انتي ممكن تتكلمين عن لون بني غامج والبنات يتكلمن عن لون بني غامج لكن يكونن الدرجتين غير لاحظي ان شي بني غامج من درجات البرتقالي يختلف عن درجات البني من درجات الاحمر ,, فما ادري لو تحطين صور بسيطة يعني مب الكنب كامل بس درجة اللون عسب الواحد يقدر يساعدج ,,

والله يوفقج وييسر لج الخير ان شاء الله دنيا واخره

@ اختكم في الله @

وبالنسبه للتصوير

انا حاليا في بيت ابوي .. وما لحقت اصور الميلس

وشغلي كله دهديه . . . بس اذا لحقت بصور وبحط الصور