السلام عليكم و رحمة الله و بركاته
حابة أتكلم عن شي انا فيه و الصراحة مب عارفة كيف اتصرف الا و هي الصداقة في الجامعه ..
طبعن هاي أول سنة لي و ثاني فصل و لو اقولكم للحين ماعندي ربيعة بتصدقون ؟ انا طبعي هادي وماسولف وَيَا اي احد ولا اتأقلم وويا اي حد و في الفصل الاول تعرفت على وحدة كانت معاي في الكلاس و الصراحة تمينا تقريبا ثلاث شهور ويا بعض و الصراحة ماكنت احس بأنها ربيعتي ليش مادري يمكن من تصرفاتها ولا اسلوبها !! و الحين كل وحدة منا في كلاس و هي قامت ترابع بنات ثانيات و انا في البريك احيانن أتم روحي والصراحة حالتي تغمضني انا بس احاول اشغل عمري بشي و بعد مب لشي بس لانه ليش انا مب قادرة أتعرف على بنات و ماعندي ربع و هل لان طبعي مب اجتماعي !! و في نفس الوقت اعرف وايد بنات كانوا معاي في الثانوي و احس اني استحي أسير و أرز ويهي وإيلس وياهم معنا كانوا ربعي و في الفصل الاول كل وحدة سارت ترابع وحدة غير عن ربيعات الثانوية ..
وماعرف شو بعد بس صدق هالشي مضايقني
ومخلني روحي و اللي أباه منكم الحل و النصيحة ؟.
هلا اختي …. اختي الجامعه فقط للدراسه خذيها نصيحه مني يعني ركزي في التخصص عشان مابتنجحين في ال حياه من غير تفكير علمي زين
وفكري بالوظيفه يعني شو بتشتغلين بهذه الشهاده ودوري حتى وانتي تدرسين وظايف بسيطه يمكن حتى تخصصك تغيرينه بعد ماتعرفين سوق العمل
البنات اختي ………انا رابعة ربيعه في الجامعه اربع سنوات وسنتين بعد الجامعه……..من ازفت مايكون ولا مره حسيت انها ربيعه الا شوي …
والسبب السكوت اختي …. انتي يوم ترابعين ربيعات لازم تتكلمين معهن تدافعين عن نفسك ….. يكون عندهن نفس الاهتمام او طيبات
يوم تطلعين معهن تشوفين هن يريدن شخصك … لا يريدن بس يتحكمن والطلعه ………
يعني قصه الصداقه طويله …….بس انتي اختي لازم بتكلمين البنات بحكم الواجبات والمشاريع
فكلمينه وعزميهن في البيت وانتي روحي بيتهن!!!!!!! بصوره رسميه وشوفي كيف هن يتصرفن معك
الربيع اختي تعرفينه بعد عشرين سنه …. لهذا السبب السبب ماتعورين راسك حتى بعد ال عشرين سنه يتخلى عنك
بس اذا تحسين انك مب اجتماعيه انا ماعرف عن جامعتكم بس شاركي في النشاطات ودوري اشغال تشغل وقت الفراغ وتعرفي على الناس بعيد عن بنات الجامعه
لان الجامعه مب حياه محطه بس
واتمنى اكون افدتك بارك الله فيك
لا اله الا انت سبحانك اني كنت من الظالمين
ركزي بالدراسة و خلي عنج الصداقة .. مرات الصداقة تكون صدفة .. بس ركزي بالدراسة و ان شاء الله بتحصلين صديقات على جدام .. تفائلي خير الغاليه .. ^^
المشاركة الأصلية كتبت بواسطة loleetah.shj 
اللي دايم نقوله اذا اشتغلتي عليج بشغلج وبس لان الصداقه الحقيقه من الدوام شيء نادر
لازم بتحتاجين حد تراجعين معاه وتتناقشون بالمواد وتقعدون مع بعض فالبريك
بس انتي لو تميتي جيه وتقولين استحي ارز ويهي ما بتتعرفين
انتي ما جربتي عشان تتوقعين انهم ممكن يرفضون صداقتج
كوني حريصه واختاري الصداقات الصحيحه
شوفي اذا عندكم انشطة مثل قروب المكتبه او اي قروب فالكليه ومنها تتعرفين عالبنات
او حتى البنات اللي يكون بينكم بروجكت، قوي علاقتج فيهم
ما فيها شي لو شفتي بنات كلاسج فالبريك وتقولين لهم عادي اقعد معاكم
لا يصير هالشيء شغلج الشاغل بس حاولي تكونين صداقات مع بنات متفوقات ومدينات
لانج راح تتأثرين فيهم
المشاركة الأصلية كتبت بواسطة أحب نفسك اللي دايم نقوله اذا اشتغلتي عليج بشغلج وبس لان الصداقه الحقيقه من الدوام شيء نادر
لازم بتحتاجين حد تراجعين معاه وتتناقشون بالمواد وتقعدون مع بعض فالبريك
بس انتي لو تميتي جيه وتقولين استحي ارز ويهي ما بتتعرفين
انتي ما جربتي عشان تتوقعين انهم ممكن يرفضون صداقتج
كوني حريصه واختاري الصداقات الصحيحه
شوفي اذا عندكم انشطة مثل قروب المكتبه او اي قروب فالكليه ومنها تتعرفين عالبنات
او حتى البنات اللي يكون بينكم بروجكت، قوي علاقتج فيهم
ما فيها شي لو شفتي بنات كلاسج فالبريك وتقولين لهم عادي اقعد معاكم
لا يصير هالشيء شغلج الشاغل بس حاولي تكونين صداقات مع بنات متفوقات ومدينات
لانج راح تتأثرين فيهم