اخواتي بما اننا دخلنا في الصيف بغيت اعرف كم مرة اسقي الزراعة الي عندي عندي فل وملكة الليل وهي بادية تصفر وايد ما اعرف ليش حطيت سكر في الماي معقول يكون سبب لها الاصفرار ؟؟ساعدوني
كم مرة اسقي عشان ما تموت
ربي يوفقج اختي 
ملكة الليل والفل أذا زادت كمية الماي اللي تسقينها عن حاجتها ممكن الاوراق تصفر او اذا كانت كمية الماي معتدله فالسبب هو حرارة الشمس (بتلاحظين الاوراق كأنها محترقه وتسقط بسهوله وهالشي ممكن تتجنبينه انج تخلين عليها ظله شوي وترشين الشجره من فوق بس بالماي أثناء النهار عشان الاوراق ما تحترق من الشمس
وبعد شيكي التربه ما فيها دود
نفس الشي بالنسبه لشجر الليمون الاوراق تصفر وحبات الليمون تتبطط وهالشي بسبب الماي الكثير (شجرة الليمون لاتسقينها كل يوم خليها يوم هي ويومين لا)
في الحر يوم اسقي ويوم لا ؟؟عيل انا كنت بزيد الماي ؟!!
لا فديتج غيري
اليوم اللي ما تسقين فيه اذا تقدرين رشي الشجر من فوق بس مب ري في التربه
عشان تنظفين الورق من الغبار وتخففين من درجة تبخر الماي اللي في الشجره بالتالي ما تنشف الاوراق