السلام عليكم
انا جامعية ومتخرجه من فتره بسيطه وحابه فعلا اشتغل حاليا .. وبنفس الوقت انا مخطوبه وممكن أعرس عقب فتره … و وايد احاتي موضوع المصروف والمسؤوليه … مابغيه يعتمد علي أبدا
يعني لو عرست وتعود ع مصاريفي ومايعتمد علي بشي .. وعقب الزواج بسنه اشتغلت بيكون هو خلاص اوريدي تعود علي و ع الصرف اللي اصرفه بيكون أسهل اقنعه انه مايتدخل براتبي .. بس كيف لو كنتي مشتغله من قبل؟؟!
سؤالي ممكن اعرف كيف الموظفات اقنعو رياييلهم في بدايه حياتهم ( يعني اصلا كانت موظفه وبعدين عرست) انه يصرف عليها بكل شي مع أنها موظفه ومايتدخل براتبها خير شر …
وللعلم راتب خطيبي اوكيه ماشاء الله .. بس انا حابه اشتغل عشان نفسي وعشان أهدافي وطموحي مب للراتب .. وبنفس الوقت مابغيه يلعب براتبه ويضيعه في الخرابيط انا أولى بهالشي .. والرياييل لو كثرت فلوسهم من غير صرف صحيح ينخاف منهم .. ولا شو رأيكم؟
ماعرف كيف بيكون ردت فعله وأنا موظفه أقوله عطيني مصروفي!!
أتمنى عرفت اوصل لكم سؤالي بطريقه واضحه ومفهومه … سامحوني توني في بدايه حياتي ومابغي أغلط غيري غلط فيها وتحسف
السلام عليكم ورحمه الله وبركاته
ربي يتمم لج ع خير ان شاء الله ويسعدج ويكون زوج صالح وتكونين زوجه صالحه له
انا موظفه ولله الحمد من شروطات عقد الزواج كان شرطي انه مايدخل براتبي ويكون لي مصروف شهري حقي كازوجه والحمد لله ريلي تفهم الوضع ووافق ولله الحمد وماشئ عرقله ف موضوع الوظيفة والراتب والأفضل تكون الرمسه بين الرياييل وربي يكتب لج الي فيه الخير ان شاء الله
تقبلي مروري أختج ريانه المزاين وادعيلي يزاج الله خير
على حسب انتي شو تعوديه،، بس نصيحتي لج انتظري لا تتوظفين احين ، عرسي وشوفي طباع ريلج ومسؤوليته وإبداي تعوديه عالصرف من مصروفج الثابت والبيت والسفريات يعني شوفي ريلج قادر يوفر لج كل شي ،، وعوديه على هالشي ،، بعدها فكري بالوظيفة ،، وأظن ساعتها ريلج خلاص بتعرفي كل تفاصيل إمكانيته فالصرف ،، يعني بتكوني موظفة وعندج راتب وهو لو فعلا مب محتاج وهالشي بتلاحظينه فالفترة اللي بتكوني فيها قاعدة فالبيت فخلاص أظن ما بيدخل فراتبك ،، وبعدين لو هو احتاج بتعطينه مثل ما عطاج قبل،،
عني تزوجت وأنا موظفة،، ريلي مديون بديون الزواج ،،، ما عطاني نفقة وطبعا السبب اني موظفة ،، ما ياب لي خدامة بعد لأني موظفة ويباني بروحي اييبها ،، أجار البيت دافعي معاي ،، بس أغراض البيت وبنته بروحه اييبها ،،، انا تعودت لانه مديون ويوم بتخلص ديونه ان شاء الله الوضع بيتغير،. يعني على ما تعودي الزوج ،، وأنا مب متعودة اطلب من حد لو هو عطاني زين ما عطاني برأيه،،
لا تشتغلين احسن
مالج ومال الوظيفة
يلسي في البيت اذا شفتيه مقصر بالمصروف فكري بالشغل
الخوات ما قصرو بالردود ومثل ما قالو لا تشتغلين الحين خليه يتعود يصرف عليج وعقب سنه قوليله انج بتشتغلين وربي يسعدج دنيا واخره
المشاركة الأصلية كتبت بواسطة شمه الشطوره 
يلسي في البيت اذا شفتيه مقصر بالمصروف فكري بالشغل
