السلام عليكم ورحمة الله و بركاته
بغيت أعرف كم يوم يباله عشان تطلع نتيجة الفحص الطبي لقبل الزواج ؟؟ لأن على أساسه بيتحدد يوم الملجة .. خاصة أن القوانين تغيرت و ضافوا أشياء جديدة…
بليييييز بنات اللي سوت في هذه الأيام تخبرني عشان أستعد
واللله ييسر أموركم
اسمحيلي ما عندي فكرة والله
ان اربيعتي طلعت نتايجها عقب 5 ايام
بس هو اصلا مايكون اكثر عن اسبوع
واذا تعرفين حد هناك ممكن خلال يومين تطلع شراتي انا
ما يباله غير ثلاث أو أربع أيام
موفقة أن شاء الله
مرحبا اختي
انا سويت الفحص اليديد
صح انهم مسويين اشيا يديدة وقوانين يديدة
بس كله ف مصلحة الطرفين
انا عني سويته يوم خميس واتصلو لي يوم الاربعا يعني 7 ايام تقريبا قالو لي الفحص خلص تعالو خذو النتايج
ونحن رحنا يوم الاحد
وعادي لا اتخافين انشالله النتايج اتكون اوكي
ياسنا وييا الدكتورة وانا وهو وامي وفتحت ملفي ورمست اونه دمج ناقص
ههه فشلة جدامه
وعقب فتحت ملفه والحمد لله وقعنا وخذ هو النتايج وروحنا يعني ما طولنا
والله يوفقج اختي وانشالله اتم الامور على خير
الله يبشركم بالجنة ريحتوني
لأن ناس قالوا لي 10 أيام …
و أخوي بيسافر .. فلو تأخرت النتيجة مافي ملجة ..إه إه إه
لكن أنتو ريحتوني و الله
الله يتمم لكم و لي على خير و تكون الأمور طيبة
لازم يكون هو موجود عشان يسلمولج النتيجه ..
عقبااااالييي ^__*