سواء الحين او من زمان يوم كانت في السلامة….
وين سوت العملية في اي مستشفى؟؟
كم مرة سوت اعملية؟؟
كم مرة نجحت العملية؟؟
انا الدكتورة قالتلي بتسويها لي بس مب في لايف لاين بتسويها في مستشفى النور.. او بالاحرى هي بتابعني
ايام التنشيط و كل شي بس العملية نفسها بتخليني اروح النور عند دكتورة هيه متفقة وياها لأن المستشفى
اللي هيه فيه يديد و مب معطينه تصريح لهالعمليات…
المهم الغاليات ياليت اللي مرت بنفس حالتي او تعرف حد مر بهالتجربة تخبرني و تفيدني..
اوووو…
إدعــــــــــــولـــــــــــــي ربي يرزقني الحمل السليم المعافى.
الله يرزقج الغالية بالحمل السليم المعافى يارب ويعوض عليج سنين الحرمان انك على كل شيء قدير
الله يعافيج يارب وتحملين طبيعي بدل هالدوااامات الي ما تخلص اللهم امين
يارب يجبر كسر خاطرج وخاطر كل محرومة يارب
فديتج انا ما اعرف عن المركز اي شي ولو كنت اعرف ما بقصر وياااج
الله يحفظج يارب
انا سويت عند ميري في مستشفى السلامه 3 مرات انابيب وما نجحوا..
وربيعتي تعالجت عندها بدون انابيب وحملت من اول علاج…
كله بيد الله حبيبتي ..
والدكتوره ميري شااااطره ومبين انها تفهم وتحاول تستخدم احدث الطرق اللي تقدر عليها بس المشكله كانت من مستشفى السلامه نفسه…معداته ومختبره قديييييييييييييييييم وزين انها انتقلت منه لأنها بروحها كانت تقولنا ان المختبر يخربط في التحاليل ومتضايقه منهم …
وما انصح اي وحده تسوي انابيب في مستشفى السلامه ابدا لانه مضيعة وقت..
وعن النور ترى وايد يمدحونه في الانابيب …
توكلي على الله
ليش ما اتروحين مستشفى توام .. الكل يمدحهم في موضوع اطفال الانابيب
الله يرزقج الذريــــــــــــه الصالحـه ويرزق كل محرومه بإذن واحد احد…. اميــــــــــــن
المشاركة الأصلية كتبت بواسطة نواعم انثى 
الله يعافيج يارب وتحملين طبيعي بدل هالدوااامات الي ما تخلص اللهم امين
يارب يجبر كسر خاطرج وخاطر كل محرومة يارب
فديتج انا ما اعرف عن المركز اي شي ولو كنت اعرف ما بقصر وياااج
الله يحفظج يارب
يكفيني مرورج غناتي و هالدعوات اللي حسيتها من قلبج
تسلمين حبيبتي و الله يرزقج و يوفقج في علاجج و يرزق كل محرومة يااا رب
المشاركة الأصلية كتبت بواسطة miss madam وربيعتي تعالجت عندها بدون انابيب وحملت من اول علاج…
كله بيد الله حبيبتي ..
والدكتوره ميري شااااطره ومبين انها تفهم وتحاول تستخدم احدث الطرق اللي تقدر عليها بس المشكله كانت من مستشفى السلامه نفسه…معداته ومختبره قديييييييييييييييييم وزين انها انتقلت منه لأنها بروحها كانت تقولنا ان المختبر يخربط في التحاليل ومتضايقه منهم …
وما انصح اي وحده تسوي انابيب في مستشفى السلامه ابدا لانه مضيعة وقت..
وعن النور ترى وايد يمدحونه في الانابيب …
توكلي على الله
فعلا الغالية السلامة وااايد جديم و ميري ما شاء الله عليها امينة في شغلها لأبعد درجة و ما تحب
تسوي اي شي ماله داعي و مب مادية ابدااااااا .. و هيه نفسها مدحتلي النور و الدكتورة اللي بتكمل
معاي و بتسويلي الحقن ..
تسلمين الغالية على المرور ريحتي فوادي اللي يريح بالج يااا رب
المشاركة الأصلية كتبت بواسطة life zone الله يرزقج الذريــــــــــــه الصالحـه ويرزق كل محرومه بإذن واحد احد…. اميــــــــــــن
الغالية انا في بوظبي و هالعلاجات يبالها يوميا تسيرين او كل كم من يوم انا و ريلي دوامات واايد صعب
هذا غير انه توام مواعيده وااايد بعيدة ..
تسلمين عالطلة الحلوة