مرحبا يابنات
ياكثر البنات اللي يسئلن عن الكثيره وفوايدها لانبات شعر الراس وحتى الحاجب
شوفوا شكلها
شرات الاظافر لكن بحجم كبير وتكون بيضا وشفافه هاي الاصليه مب اللي تكون بلون بيج او مايله ع صفار …..انتبهوا
وهذا شكل قطعه منها من قريب
الشكل مب ثابت لكن المهم انه يكون مثل قشور يابسه وجافه
للاستخدام ناخذ قطعتين او ثلاث من الكثيره وننقعها بماي دافي شوي ونتركها ربع ساعه
خلاف بتتكون عندنا ماده جيلاتينيه ناخذ منها وندهن فروة الراس ونتركها ساعه ساعتين والاحسن غسل الراس بماء عادي قليل الملوحه او قليل الكلور (ممكن تستخدمين غرشتين ماي مسافي )
ممكن بعد تنطحن وتنخلط ويا الحنا بشرط وضع الحنا على فروة الشعر فقط عشان ما تسير الكثيره ع الشعر اللي هو الجزء الميت وتتخسرين كميه كبيره على جزء ما راح يستفيد منها المهم فروة الشعر
جربو تسوون هالعلاج مرتين بالاسبوع وانشالله بفايده المهم الاستمراريه
تسلميين غلاي
بس شو هاي يعني هي عشبه
تسمى عشبه لكن الصراحه انا شفت شكلها غريب وايد بس قلت لازم اجربها (من كثر ماسمعت عنها)
يزااج الله خير اختي ع المعلوومة
مرحبا وسهلا
………………..
مشكوره الغاليه عالمعلومه … اول مره اسمع عنها