مرحبـــا…
بنتي عمرها 7 شهور وبتدخل الثامن عقب كمن يوم… وماشاء الله عليها تنجلب وايد… ويوم ترقد وايد تتجلب … وماتقر… ماعرف اذا عادي انها تتحرك ها الكثر في الرقاد… وفجاه تنش تصيييح…. وترقد على ينبها …. ماعرف ارقد كل ساعه انش اوايق عليها بس ها الشي عادي انها بعدها بنت سبع وترقد على الينب …ماطيع ترقد على ظهرها ماعرف ليش….الحين …ساعات اخاف تنجلب على ويها والقماط ماتباه … فانا زايغه عليها مره سمعت مب زين ترقد على جنب ….اللي يعرف يفييييدني بلييييز….
ومشكورات…
اهم شي يوم ترقد عجنب خللي ايديها جدام مو ورا عشان ما تختنق اذا ردت عبطنها وهي نايمه لا سمح الله
ربي يحفظها
لا عادي فديتح انا بنتي من بدت تجلب وهيه مااتحب اتنام الا على ينب وبعد ملاصق ويها لطرف السرير صح اخاف عليها عمرها الحين 10 شهور بس بعدني لازم اقوم اشيك عليها والحفهم…… فلا اتحاتين شي طبيعي في يهال هاديين في نومهم وفي منهم يقلب الدوشق فوق تحت من كثر ما يتجلب(شرات بنتي) وطبعا البسها ملابس النوم الاوفر الاول لانها ما اتخلي اللحاف عليها وتعرفين كيف المكيف بارد على الياهل…….. وايه ولا اتخلي في سريرها المخده لانه بهالعمر ماينامون على مخده ومن كثر ما يجلب يالياهل يطيح على ويه، ولا اتحطي المخدات الجانبية والدوشق يكون من النوع القوي مب اللي يغطس لان هالانواع يمكن يكتم على نفس البيبي لا سمح الله …. باختصار سرير البيبي يتكون: الدوشق لازم يكون قوي ومستطح وما يغطس اذا نام البيبي فيه ولحاف ،ولاطراف السرير استخدمي التلبيسات للسرير بدال المخدات الجانبية…. و الله يحفظ عيالنا
أعتقد أنج لازم تعقين عنها القماط
أنا في عيالي اعقد القماط تقريبا في الخامس أو السادس يوم يصير وااايد يطلع يدينه
مشكورات فديتكن على المعلومات الحـــــلوه ماقصرتـــــن …. صدق كنت اخاتي الحين الحمدالله اطمنت 
ماتحتاج قماط خلاص حرمة فديتها
للرفع