بنات عادي الوحده تسافر بشهورها الاولى
بالشهر الاول او الثانني او الثالث واذا وووين احسن الشهر الثاني ولا الثالث للسفر
حبيبتي اتمنى انج تسالين الدكتوره واايد احسن…
لان قلبي ساعات يختلف عن حامل وحامل….
واتمنى لج كل التوفيج يارب..
انسب فترة للسفر من الشهر الرابع الى السادس
راجعي الدكتورة عشان اتسويلج كل الفحوصات واساليها
اونه بسئلها ان شالله بس في احد سافر بالاشهر الاولى
هلا اختي
انا مثلج يهمني هالموضوع وايد لاني ابا اسافر
لكن خايفه واتريا موعدي بداية شهر 4 عسب اسأل دكتورتي
بس ربيعتي ماكانت تدري انها حامل وكانت فالشهر الثاني وسافرت لندن .. ماشاءالله 6 ساعات الطياره وهناك كله شوبنغ ومشي .. الحمدلله انه الله حفظها وحفظ جنينها
بس احسن شي تسئلين الدكتوره عسب تشوف وضعج و وضع الجنين وتنصحج بالاحسن
لانه سبحان الله يمكن في وحده بنيتها ضعيفه ماتتحمل وغيرها بنيتها قويه تتحمل 
انا سافرت فالشهر الثالث بس تحملت ع عمري ومامشيت وايد
شوفي الغاليه
احسن واضمن فتره للسفر من الشهر الرابع حتى بداية الشهر السابع هذا اللي اتفقو عليه علمياً
بس سفر حامل عن حامل يفرق وااااااااااايد
انا لما كنت في الشهر الثالث سافرت بالسياره كويت وعقب العمره
والحمدالله الامور كانت ميسره من رب العالمين طبعاً بعد استشارة دكتورتي
هي سوت لي الفحوصات وطمنتني ع البيبي انه سليم وماعليه اي خطوره ان شاء الله
وعطتني نفس حبوب فيتامينات مثبتات للبيبي وشوية نصائح لازم تلتزمين فيها في السفر
عشااان جي قول لي حق الدكتوره انج تبين اتسافرين وهي راح اتقول لج اذا وضعج يسمح او لا