عساكن بخير انشالله
عندي استفسار شاغل بالي من فتره
ليش نحن الحريم اول ما نسمع بطاري الزوجه الثانيه ما ايي ف بالنا غير انها….
انسانه خربت بيت ….!!!!
انسانه أخذت الريال من حرمته وعياله ….!!!!
انسانه عانس وعشان هالشي عاقت عمرها ع هالريال المتزوج ورضت فيه …!!!
ليش ما حد فينا قال ان الله كتب لها قسمتها وها نصيبها …..؟؟؟؟؟؟؟؟؟؟؟
مثل ما الله كتب لاي وحده فيكن تكون زوجه أولى ترى الله كتب لوحده غيرج انها تكون زوجه ثانيه….!!!
وع قولتكن تسمنها باسم بنات حرام…….!!!!!
ليش هي شو ذنبها ؟؟؟
لو الوحده منا سعت لشي والله كاتب انها ما تحصله لو تنطبق السما عالارض مستحيل تحصله
مادري اسمحولي بس شي ف خاطري وحبيت اطلعه …لاني من كثر ما اقرا ف هالقسم صارت الزوجه الثانيه تكسر خاطري اكثر عن المطلقه والسبب هالمجتمع الي نحن فيه
الله يهدينا يارب
اختي لا تزعلين .. الزواج قسمه ونصيب ومحد يقدر يعترض على شي حلله الله سبحانه وتعالى .. بس الزوجه الاولى لازم بتزعل لانه بو عيالها وبينهم عشره وخاصه اذا ملبيه طلباته وبينهم عيال وحب… ورياييل هالايام اذا خذ الثانيه نسا الاولى ..
وبالعكس حتى ام 20 سنه عادي تاخذ واحد عنده حرمه المهم تعرس بسرعه .. والله يخلي كل ريال لحرمته ولا يفكر بغيرها ..
المشاركة الأصلية كتبت بواسطة LouisVuitton 
وبالعكس حتى ام 20 سنه عادي تاخذ واحد عنده حرمه المهم تعرس بسرعه .. والله يخلي كل ريال لحرمته ولا يفكر بغيرها ..
الحمدلله بعدني مب معرسه … بس الموضوع يخص انسانه تسمى الزوجه الثانيه ….!!!!
انسانه متهمه بوايد اشياء واحتمال كبير تكون بريئه من كل هالاشياء .. انسانه نسبوا لها صفات هي بريئه منهن …؟؟؟؟
هذا كان مجرد راي مب اكثر …
والله يخلي لكم رياييلكم ^_^
عادي انا من ناحيتي عادي اكون الحرمة الثانيه وعادي ريلي يتزوج الثانيه .. لان هالشي منزل من عند رب العالمين
والله سبحانه وتعالى اعلم بمصلحة عبدة
ان يتزوج وحده ولا يسير بالحرام ويا بنات الناس
الصراحه هي مب مرتكبة جريمة بس عقلية الناس وايمانهم الضغيف يشوفون هالشي
والحرمه من يتزوج عليها ريلها اتم اتشك بعمرها انها ما اهتمت فيه وشبعته ومن هالسوالف
بس هذي غريزة في الريال ولا جان الدين ماحلل هذا الشيء
نفس وجهت نظري ….شكرا عالمشاركه الطيبه الغلا
على فكره ممكن تكون الزوجه الثانيه هي الضحيه لأن ممكن مايخرها انه مزوج وممكن يهملها ويروح للأولى
الصراحه في بنات ، من صج يسرقون رياييل الغير <— و في حاله انا شفتها بأأأأأم و ابووو عيني 
الحرمه الاولى او الحرمه الثانيه ، احس ما تفرق
دام الرجال هب مقصر عليها ، و عادل بين الثنتين ،
احيانا ً الحرمه الثانيه ماتدري انها الثانيه الا عقب فتره <– طبعا ً اذا كان الرجال هني كذب عليها و ع اهلها
و احياناً في رجال ما يكونون مرتاحين مع الحرمه الاولى فـ يجيب الثانيه ،
و يمكن ما يكون مرتاح مع الثانيه ، فـ يجيب الثالثه .،
بالنهايه ، كل شي قسسمه و نصيب