هلا خواتي
عندي سؤال:
هذا حملي الرابع بس ماقد يتني حالة الخمووووول والكسل قد هالحمل
مع اني توتني ماكملت شهرين؟
لدرجة اني لو رقدت الظهر ارجع احس بالكسل وأنام من وقت بالليل
حد عندة حل ….؟
والسموووووحة
عادي فديتج تراه حمل من حمل يفرق
انا هالمره نفسج كنت وين انسدح غفت عينيه مع اني قبل لو الموت ما ارقد في الحشره
حتى عياليه استغربوا يحيدونيه اسوي لهم محاظرات قبل لا ادخل ارقد بس من خلصت فترة الوحام رديت مثل قبل
بس اخس لا رقاد ولا راحه مثل الناس
الحمدالله ع كل حال فتره وبتعدي
سبحـــــــــــــــــــــــــــــــــان الله
كأنج تكلمين عني
انا هذا حملي الرابع:وياتني حالة خمول وكسل ووحام قاسي بشكل فظييييييييييييييييييييعوارقد من الساعة 8 و9 بالليل
والظهر اتغدى الساعة 12 او 1 وارقد للعصر
وكله برجع وراسي داير
وحالتي كان يرثى لها
والحمد لله يا رب الحمد لله
احس ان الوحم شوية خف وفتحت عيني من الهلاك اللي كنت فيه
فاحس هالشئ عادي
الله يسهل علينا يا رب
مشكورين ع المرور
للرفع
الله ييسر لج ويتمم لج على خير إن شاء الله ….
عادي كل الحوامل جذي عيل انا لوعه وكسل بس ما ارقد من التعب حتى من حبوب اللوعه في حملي القبلي كنت اخذهم ويرقدوني طول اليوم اما الحين ولا يؤثرون بس خمول وتعب ولوعه طول اليوم ولا اكل بس اغصب عمري وبرد كأنه شتا اتنافض والله …هاذي رابع حمله بس اتعبهم كلهم الله المستعان الله يكون بعونا يارب حتى اقول حق ريلي خلاص المنع من اربي بصرطه ولا احمل بعد الا عقب ما يكبرون العيال ويسيرون المدارس
انا نفسج كسل فظيع …. يالله مرحله وبتعدددي ان شاء الله