السلام عليكم و الرحمه 
شحالكن كلن بحاله؟
اليوم بغيت اسالكن عن شي كان فخاطريه
أمسات اسولف و يا ربيعتيه و تقول لي ان اختها رمست خالتها و قالت لها تدور لها ريل بس بدون ما اهلها يعرفون
اختها عمرها 30 و الاهل طبعا يريدون لبنتهم الستر لكنهم يتريون نصيب البنت اييها و البنت تجوف سنين عمرها تروح و خاطرها تعرس
و اخوها عمره 26 و امه لاهيه به تدور له على بنت الحلال لانه رايح راد على امه يقول لها خطبي لي و خطبي لي
بس يوم البنت تسال و هيه تسولف و يا امها، امها تقول لها انتي ما تستحين؟ عيب البنت تقول هالرمسه
نصيبج يوم بييج محد بيخشه عنج
البنت حليلها وايد حاطه في خاطرها لان امها مش حاسه فيها.
و ربيعتي الثانيه توها 28 و انا احشرها عشان تعرس بس المشكله هيه تستحي و ما تروح عند الناس تزاورهم و تريد تعرس حالها حال كل بنت
طبعا البنت احلا تكون تستحي و جيه
بس يا ما بنات عرب و ناس و محد درابهن السبب ان اهلهن ما يخلوهن يحضرن اعراس و لا يزورن ربايعهن و جيه
شو رايكم يا بنات بالبنت الي تقولها بصريح العباره انها تريد تعرس؟
و شو رايكم بالبنت الي تجتهد عشان تحصل نصيبها؟
و كل هذا عشان تسعى للحلال
و فبالي شي ثاني بعد
نقرا فالمنتدى وايد بنات يتمنون انهم يعرسون و في تجمعات عشان يقرن البقره بنية العرس
الله يوفق البنات امين و كل وحده تتمنى العرس
بما انا نحن في هالمنتدى نعرف بعض و نتمنى الخير لبعض ليش ما يصير فيه قسم للخطابات او حتى ان البنات يكتبن في مواضيع و تكون خاصه محد يشوفها غير الخطابه (او العضوه الي بتتبرع بهالشي)
و بعد اشوف وايد بنات يقولن انهن يدورن لاخوانهن عرايس و بنات يعني هالموضوع او القسم الخااااااااااص بيتيح فرصه للبنات انهن على الاقل يكتبن مواصفات شريك حياتهن و الي بتكون ثقه و بتكون خطابه او مشرفه على هالقسم هيه بتتكفل انها تدل العضوات الي مواصفات طلباتهن تتشابه على بعض او شو ما كان
طبعا هالفكره مجرد شي فكرت فيه لاني اشوف تواقيع وايد و مواضيع وايد
المهم انتوا جاوبوا على السؤالين بالاحمر 
و اتمنى الكل يتفهم الموضوع و ما ينتقد لان نيتيه صافيه
فـــــــــــــــــــوق
فووووووووووووووووووووووووووووووووووووووووووووووووو ووووووق
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
ما أشوف فيها شي الوحدة تخطب لعمرها اذا كانت الإنسانة الي بتكلمها بالموضوع ثقـة
بس أهم شي ما تخلي الزواج هدفها الوحيد بالحياة
وان ما استوى انقلبت الدنيا
وانما تشغل نفسها بما يرضي الله وتترك الباقي على الله ^^
الغاليه ماافيها شي السيده خديجه رضي الله عنها هي الي قالت حق الرسول عليه الصلاة والسلام انه يتزوجها وهي ام المونين ..~
وفي مثل يقول اخطب لبنتك قبل ولدك ..~
بس المشكله الناس مااطبق هالشياء ..~
والله يرزق كل وحده متاخره في الزواج بالزوج الصالح في القريب العاجل ان شاء الله..~
انا اشوف حرام الام تدفن بنتها فالبيت ولحد يشوفها اذا محد شافها ولا يعرف انه في بنت فهالبيت كيف بيعرسن البنات عن نفسي ما بقووللكم اني ابا افتك من بناتي بالعكس أبد بس من ادش بنتي الجامعه ما ببقي عرس ما بوديها ولا عزيمه هههههههههههههه اصلا بنتي العوده ام 5 سنين من ألحين تنخطب خخخخخخخخخخخخ
وحليلنا يوم كنا صغار ولحد يدري جان شي بنات فالبيت
أنا ما أشوف فيها شي البنت تخطب لنفسها ياامااا شفت بنات والله حرااااام بيصكن 30 وهن ما انخطبن والقهر كل بنت أحلا من الثانيه
الله المستعان
للرفع