سلام عليكم ورحمة الله وبركاته …
هلا تعرفون قصتي في المعهد .. طبعا الخوف المدير يدخل المنتدى ويقرأ عشان هو يتابع كل شي .. اي منتدى يدخل عليه … والله يستر مايتهمني بعد هني بتلميح وفضح الستر! لووووووول
وبخصوص زميلات المعهد هن كانن بس ينصحني عشان اخذ حقي منه مشكورات
المهم خواتي ..
انا الحين ارتحت ..دوم يوم انهي علاقتي مع حد احس براحه مااعرف ليه!
احس شي ثقيل وراح من صدري .. يمكن عشان علاقتي بالناس غلط او مش مبنيه صح
الناس يالوجه الله .. يامصالح
انا ممكن احب شخص لوجه الله بس يحبني هو لمصلحه فاطنش يمكن اريد صحبه
في شخص اريد منه مصلحه بس هو يحبني لوجه الله بس مصلحتي تطغى عليه
بس بشكل عام ارتحت لاني اريد مصلحتي الحين ..
او ارتاح …
اريد اعرف كيف ممكن اشق طريقي في الدنيا وانا عندي مشكله في سمع والنطق مرات
اريد ارتاح وبس واعيش بصوره عاديه …
واريد افكر مثل الناس ..
اريد اكون انا وبس … واعرف من انا عمري الحين 32 وللحين مشاكل …
مشاكل البنات ومسخره! خلاص الله معي …ماريد حد …
اريد ارتاح ..
فعلا يوم تركت الكل ارتحت .. شعور جميل
طلعت من الفيس بوك .. عشان مااعلق ولا اعبر عن شعوري …
صار الوضع جي .. اي حد يستاء او يزعل .. والناس الحين ماتتقبل بصدر رحب
او تتغاضى او تسمح عن اخوتها
وانا بعد زودتها كل شي اخبره الناس واكتب على الفيس .. غلط بعد يمكن
هي فتره واحتاج اطلع شو بخاطري
اي انسان يحتاج هذا الشي .. بس الحين خلاص ..
وانا كبيره وصارت معاي اشياء وطلعت اشياء ..
وطبعا مب كل شي بالدنيا عندي فيه خبره بس على الاقل مريت بتجارب ..
لو لفتره بسيطه
والحمدلله …
ماريد اخبر حد ولاافضفض لحد .. وانتهى الا شي مهم بخبر به امي او حد مختص
وانتهى ..
بس اريد اعرف كيف بمشي اموري وبس …
ونوايا الناس انا مااعرفها وسبحان مغير الاحوال من حال الى حال
بس بعامل الجميع عن بعد ابسط لي واحسن لي … وافكر بس كل شي يكون بحدود
اريح لي … واتعامل حسب مايظهر لي او احسه …
وعفى الله عم سلف .. واي حد اسأت الله الله يسامحنى وبدعي لهم بالهدايه والتوفيق …
بس اكون مرتاحه وبعيده ..يعني اذا البعد راحه اريده ..
والحمدلله …
ماريد ذنبهم ولا شي .. اريد بس ابعد وارتاح
والانسان اذا يريد يحسن من نفسه ويشتغل يقدر يروح اي مكان ويعرض خدماته .. وخلاص
واي شغل مب عيب …
بس يحاول يدور الافضل له …
وخلاص البعد الراحه احس التوتر راخ من صدري .. الحمدلله
انتي بالمشاركة الي تسبق مشاركتي أجبتي على كل تساؤلاتج ..
إنت جميله يا حياه…فعلا انا كمان فكرت بطريقتك وخصوصا لما نكون مخصصين وقت نناجي فيه رب العالمين ونستمد قوتنا من الله ,,صار العالم صعب مريب انا بتعامل مع الناس ببراءه وبحب العلاقات الصافيه البعيده عن المصالح وأحبهم إرتياحات إنسانيه لا أكثر ,,لكن للأسف معظم البشر دمرت نفوسهم الماده وحركتهم بعيد عن الصواب ,,تلاقين بشاشه من القلب متي تنتهي المصلحه ولا يعرفونك ويمكن أكثر,,طبعا كلنا بشر وكل شخص فيه عيوبه
لكن المشاعر صارت أبخس شيئ في ها الزمن…
المشاركة الأصلية كتبت بواسطة hamoudmam 
صح تخلي الواحد يصحى في الاخير .. مفروض انضرب عشان اصحى ماحد صحاني وانا صغيره
شكرا اختي ام حمودي على التفهم الدائم
المشاركة الأصلية كتبت بواسطة سماءالأفق لكن المشاعر صارت أبخس شيئ في ها الزمن…
مشكوره اختي سما … كلامك صح الناس تغلط بس ممكن الواحد يصحح بطريقه طيبه او على الاقل يسامح او مايجرح الانسان …
الماده مهمه لانها تعطي كرامه للعيش والواحد يعتمد على نفسه بس مفروض ماتكون هي بس بالنفس!
والا بتخرب كل العلاقات بين الناس … بس مهمه الماده
صحيح حبيبتي حياه الماده مهمه وما في مانع يكون في مصالح مشتركه ومتبادله لكن مب علي حساب العلاقات لأن
الحب الصادق أغلي وأثمن من كنوز الدنيا ..المال بيروح وييجي .,لكن المعاني الجميله فوق كل شيئ .