۞ الباقيات الصالحات سبحان الله ۞

وايدين منا يعرفون هالآية ويوقفون عندها وايد .. و وايدين يقولونها اذا فكروا بالزواج أو جني المال .. يقتبسون هالآية عشان يبينون مدى أهمية هالأمرين ..

طيب لو كملنا الآية : { الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا } ..

بنشوف انه الباقيات الصالحات و هي : " سبحان الله و الحمد لله و الله أكبر و لا حول و لا قوة إلا بالله ". أخير عند الله وثوابها أبقى لمن يداوم عليها في الدنيا والآخرة .. يعني فالدارين

المال والعيال ممكن يفتنون راعيهم وينسونه الشي الأهم اللي بيكون له كـ كنز في دنياه وآخرته وهو الباقيات الصالحات ..

لذلك داومن حبيباتي وخلن ثقتكن بالله كبيرة واتأكدن انه الله ما بيخيب رجا عبده لو طالت المدة ..

وعن تجربة شخصية .. انا مدوامة عليهن + الاستغفار + الصلاة على الرسول عليه الصلاة والسلام .. والحمدلله اييوني خطاب ولكن النصيب بعده .. وأتوظفت الحمدلله من قريب عقب صبر سنتين ^.^ .. والياي أحلى بإذن الله