بسم الله الرحمن الرحيم
السلام عليكم ورحمة الله وبركاته
شحاالكم بنااات؟؟
راااح ادخل لصلب الموضوع
اغلب البنات يعانون من أوزانهم الزايدة او انهم مب قادرين يحافظون على أوزانهم
علشان جي حطيت هالموضوع.
الموضوع هو كل مايينا ناكل نحط فبالنا (الاكل حلوو بسسس الرشااااقة أحلى)
وعلشان نكون حلوات و مشعات..لازم ناكل اكل صحي مثل الخضروات والفواكة والمكسرات الغير مملحة و نشرب حليب خالي الدسم …الخ ولكن كل شي باعتداااال.
ونشرب مااااي وااايد لانه الماي واااايد مفييد
لو تعرفون فوايد الماي على البشرة والجسم لكان هو شرابكم الوحيييد.
واتمنى من كل وحده تجرب هالشي وتقول لنا شو صار
يعني لما تيين تاكلين وتذكرين انه الاكل حلو بس الرشااقة احلى بتوقفين عن الاكل ولا بتكملين عاادي.
شعااارنا (الاكل حلو بس الرشااقة أحلى).
اختكم
لفلي جيرل
بنات لاتنسوني من خالص دعواتكم لي
اوكي بخلي هالشعار فبالي وبحاول اسوي رجيم بس عقب رمضان لان الرجيم فرمضان عذااااااااااااااااااااب
هلا حبيبتي
حلو كلامج
والشعار احلى ^^
يزاج الله خير
تزيدينا حماس ^^
كلامج صح اختي
حتى لو لاسمح الله ما وصلنا لهدفنا
المهم انا اعتمدنا الاكل الصحي ف حياتنا
احلى شي يوم تيين تلبسين الملابس اللي نفسج فيها ويكون شكلج كووول
مب زوايد طالعة من كل صوب..
شوفو الهضاب والجبال اللي صايرة فاجسامكم وارحموا انفسكم شوي من الاكل
ساعتها بتعرفون طعم الرشاقة واللبس الحلووو
الرشيقااات والله مب أحسن منا…كل مرة اروح السوق اشوف هالوافدات متبنطلات ويمشن بكل فخر واعتزاز باجسامهم..جداام شبابنا..عسب جي الشباب يقولون عن المواطنات انهم متااان وخسفاات…الله يسامحهم بس.
ومشكووورات خواتي على مروركم العسل
والله حبوبات الموضوع بايدينا ناكل بعدين نقول متاااااااااااااان وخسفااااااااااااات انزين ريلي بعد كان يقول عني متينه والله ما اترييت عزمت أخفف وزني وفعلا نزلت وزني 23 كيلو والحمد لله الحين صرت أحلى بوايد وصرت أشوف ريلي ويحب يطلع معاي ما مثل قبل يطلع مع ربعه المهم &نكم بس تعزمون وتسوون مثلي وبتنزلون والسموحه
شعارج حلو….
وان شاء الله انعزم ونستمر 
ربي يوفقج وينول لج اللي في بالج ويحقق أمانيج