السلام عليكن جميعا,
طبعا تدرون ان الحين بتبدأ فترة الصيف والاجازات
الاجازه حلوه البس المشكله مب عارفين كيف نقضيها ونستمتع فيها
عزيزاتي بغيت اقتراحاتن عن الاماكن اللي ممكن انروح الها مع الاهل أو الاصدقاء فالاجازه
في كل يوم وين نقدر انسير , في داخل الامارات طبعا بسبة المرض اللي منتشر
أتريا تجاوبكن عشان كلنا نستفيد ان شاء الله
انا ببدا باول اقراح….
نختار يوم عشان نقضيه في احد المراكز الغير مزدحه مثل الراحه مول الصبح طبعا عشان ناخذ راحتنا
الصبح نتريق في أي كوفي شوب
بعدين نروح السينما ويفضل انكون مجموعه يعني خمس او ست اشخاص
بعدين نتغدا ونرتاح لين العصر
بعدها ممكن نتسوق لمده ساعه
وبعدين نروح اي مكان نتمشى فيه مثل الكورنيش او البحر لين ما نتعب من المشي
وجي بنكون قضينا اليوم كله
أقتراحاتكن لليوم الثاني…..
دامج من بوظبي سوي رحله
انا عن نفسي تاريخ5-6
بسوي رحله الى الجزيره السماليه ويا الاهل
انشاءالله
مب عارفه وين اسير
للرفع
بس المشكله الجو حار
عشان جي محتاره وين ارووووووح
انا البارحة رحت رحلة بحرية ويا الاهل وكنت شاله ولدي عمره 9 شهور كانت الرحلة من 11 لين 5 او 6 المسا في البداية استانسنا بس عقب يانا حر وخاصة يوم وقف القارب عشان نصيد وتم ولدي يصيح من الحر والرطوبة ..,ّّّّّ جونا ابدا مايساعد حق رحلات من هالنوع وردينا قبل الوقت المقرر للرحلة
المشاركة الأصلية كتبت بواسطة cute girl 
معوضه عزيزتي ان شاء الله خيرها في غيرها
الصراحه حاسه بالاحباط
من زمان اتريا الاجازه عشان اطلع واغير جو
يعني خلاص بقعد فالبيت لين ما اتخلص اجازتي….
الله يعين
بس اتريا الاخت " ندى الروح" قالت بتسير جزيره السماليه
نتريا تقريرج حبيبتي
ومشكوراااااااات بنات الردود
سلاام