افكار لتقديم البيزات بطريقه مميزه

السلام عليكم ورحمة الله

شو اخباركم يا بنات ويا سيدات؟

اسهل هديه ممكن تقدمينها البيزات

واحلى هديه ممكن تستلمينها البيزات ( مثل ما قالو الدراهم مراهم )

لكن الصعب طريقة تقديمها لان صعب ( اقصد مب حلوه ) تنعطى في اليد

لذالك

اقصد عشان جي نزلت موضوع فيه طرق جميله لتقديم البيزات
واللي ابغيه منكم انكم تتحفونا بالافكار اللي عندكم وياليت لو تكون موضحه بالصور

ونستشعر في هذا الاجر لان الرسول صلى الله عليه وسلم قال تهادوا تحابوا

ونحن ساهمنا في الهديه بفكره

نبدا باسم الله والصور منقوله من مدونة ومواقع ثانيه

هاي طبعا واايد راقيه والبيزات محطوطه ف الفازه

عيبتني هالفكره وممكن نحط فيها قوم بو عشر او بو اميه للراهين فقط

الفكره ممكن تتطور ( بانتظار الاقتراحات)

هذي ممكن تخشين في كت وردة نوط

وهاي ممكن تحطين فوقها بوكس فيه بيزات

هذي بالونات ممكن نحط في كل بالون نوط وانفخهم بهيليوم وادخل وانا شالتنهم في ايدي شرات اللي يبيع البالونات او اربطهم في بوكس وداخله هديه بسيطه اما كوليكشن عطور او لبس للبيبي او حسب المناسبه

ملاحظه البالونات لازم تكون شفافه عشان يشوفون البيزات مب يوزعونهم ع اليهال عقب

اسهل شي باقة ورد واخشش فيه البيزات بس الفكرة وااايد تقليديه بس تنفع للي ما عندهم وقت

وممكن اربط البيزات في الخوص

حلاوة الريالات احطها في مندوس صغير طبعا اكبر بوايد عن اللي في الصوره واحط وياها خرده ريالات ونيطان