اخر قصص زوجته الاولى

السلام عليكم شخباركم بنات..
انا والله ما رجعت كتبت الا من القهر..مرته مثل ما قلتلكم رافعه طلاق للضرر بسبي..تقول ان انا شتمتها وان ام زوجي اللي هي عمتها شهرت فيها وابو زوجي طردها,..طبعا زوجي بعد هالكلام قال بيطلقها وهالقرار خذه بنفسه..وانشالله الشهر الجاي بتطلق..بس القهر ان هي مطرشه عمتها الثانيه ومالفه كلام علي وملصقته فيني وان انا قلتها ..وذيك صدقتها قالت ان انا قلت لها ان انا كنت اعرف زوجي من سنه وانا اللي خربت حياتها وان انا السبب في طلاقها..وان انا طعنتها في شرفها ..القهر ان بس زوجي وامه وابوه يعرفون عن خيانتها وبلاويها والحين جايه تتكلم عن الشرف,,انا تعبت هذي انسانه خبيثه ..المشكله مو هني المشكله ام زوجي اللي هي عمتها الحين مصدقتها وصارت ما خذه موقف مني ان انا اللي خربت زواجها..القهر يابنات هي بيتها مخترب من اربع سنين اشلون انا بخربها بمكالمه..وتخيلوا ان ام زوجي جات وحلفتني على القران ان مو انا السبب في خراب بيتها وحلفت..وبعد لين اليوم تعفس ويها لما تشوفني ..زوجي منقهر من موقف امه وقال بيكلمها بس تبون الصج انا ابيه يكلم خالته اللي هي عمتها عشان يسكر هالباب لان هي قاعده تخرب علاقتنا وهذا اللي تبيه زوجته وتبي تبين للكل انها مسكينه والله صدقتوا يابنات هذي عقربه..والحمد لله زوجي خلاص قال ان لو الكل يوقف معاها مالها رجعه وان بيطلقها لو الكل يجي يتوسط لها..بس انا منقهره الله يعلم اني كنت انصحها عشان ما تخرب بيتها وهي تقولي ارجووج ارجوج قولي له يطلقني هو متمسك فيني ويحبني وويبوس الارض اللي امشي عليها يوم واجهتها وقلت لها ان اصلا زوجي ما يرد عليها ولا يكلمها الا معاي انقهرت واللي قهرها ان قالت لي انتي ما تخافين يتزوج عليج قلت لها انا اعرف اشزرعت واعرف شو بحصد وانا متاكده ان ما راح يتزوج علي لان حياتنا الحمد لله ما فيها مشاكل وقعدت تقولي اهله مب زينين واهله فيهم وفيهم قلت لها الصراحه اهله ما يتعوضون ومثل الذهب ولو درتي ولفيتي ما راح تحصلين مثلهم..طلعت الاخت جايه تخرب يوم رديت عليها انقهرت وراح تكذب وتطلع كلام القهر ان بعد المكلمه انا جب ام زوجب وقلت لها كل اللي صار..والحين انا الغلطانه وهي المسكينه.. انا اعرف هي تسوي هاي كله عشان تبي تبين ان هي مسكينه وعشان الكل يروح يراضيها وترجع ولان تعرف ان اهله بيرجعون يضغطون عليه اذا صدقو هالكلام..صج صج مكاره وخبيثه وعقربه ..انا بس ابي افضفض..لاني صج منقهره منها..بنات ادعولي ان الله ينصرني عليها..والله احس ان انا ما ظلمتها بس

الله يرد كيدها في نحرها يا رب
حشى ما تخاف ربها هذي
صدقيني حتى لو طلقها ما بتكف اذاها عنج
اختي عليج بالدعاء ما بينصرج الا ربج
توكلي عليه و دعي انه يحفظلج بيتج و ريلج
والله وياج يا رب

هاي طليقتها بس القاضي مو راضي يثبت الطلقه ..يعني هو مطلقها من 8 شهور..واكثر ..

الله يعينج حبوبه

تدرين انا لو مكانج كنت خذت مسجل صغير وسجلت صوتها وهي ترمس عن اهل ريلج…

اي والله ياليتني سويتها..والله هذي شررر

الله يعينج على كيدها أسميها قوية ولعين انشاءالله الله بيفكج منها

آآآآآآمين