جيف حالكم
ابغيكم اتدلوني على وحده مكياجها حلو عسب عندي عرس الشهر الياي وعاده عرس تقريبا اخر وحده عندنا من الكبار للحي الباجيات باجيلهم لين ما يخلصون الثانويه
بس في الشارجه والا عيمان واذا في في دبي معليه بس ايكون مكياجهم حلو واسعارهم معقوله
واذا اتيي البيت بعد احسن واريح
نحن كنا بنتمكيج عند وحده اسمها فاطمه الحوسني بس حاجزينها في نفس اليوم
ومالنا نصيب عندها
وتصلت حق هيفا بسأ عن المكياج قالتلي 800 واااايد ابصراحه
انشالله اتفيدوني .. مب تدخلون وتظهرون وما تردون على الموضوع اتريا اردودكم
×.. السلام عليكم ..×
لـ الأسف كل اللي اتعاملت وياهم و يوني البيت مكياجهن هب شي
بس لو تبين صالون ترومين اتسيرين صالون " إيمان " في جميرا
صراحه مكياجهم روووعه ما بتندمين عليه
مب ثجيل بالعكس نعوم وايد
هو و التسريحه بـ 600 درهم بس صدق مب خسارهـ فيه
ترومين تتصلين و تحجزين وحده عندهم تيج البيت
ناديـن
ماشاء الله ما قصرت وفوية
مكياج فاطمة العوضي حلو كانو عارضينه في الكتالوج عاد مادري عالطبيعة كيف
اعتقد عندها صالون في عيمان
مشكوره الغاليه ادريبه صالون ايمان وااايد مكياجهم حلو حتى بغيت ريحانه اتمكيجني يوم عرسي
ادريبها فاطمه بنات خالي يتمكيجون عندها دوووم بس ما يعيبني ما ادري عليهم مب شي والا هي جذيه وبعدين من زمان ما شفت شغلها بتصل بها وبشوف انشالله