مرحبا اشحالكم
بنات ابيكم اتساعدوني بنتي يحليلها في مدرسه خاصه واسبوعيا عندها املاء انجليزي 15 كلمه
بس والله فديتها تتحمس وتحفظ صم من اتسير المدرسه ويوم الاملاء اتنسى يمكن تذكر 3 ولا 4 كلمات
مااعرف شو اسوي ومااعرف ليش تنسى ومن اسألها اتقول مااعرف وتصيح …
وفي شي ثاني مدرستها وااايد عصبيه انا اقول يمكن اتكون خايفة من المدرسه وترتكب …
دخليكم اذا وحده مرت بهاي الظروف اتفيدني ماابها تنسى ….
ولا رد
الغاليه ..
يمكن البنت ماتلحق تكتب كل الكلمات يوم المدرسه تقولها ..
ويوم تسالا لمدرسه ما اطليع اتعيد لها .. .
جربي ساليها يمكن هي اتخااف من المدرسه وماتكتب اذا حست عمرها بتغلط علشان ماتنحرج جدام البنات ..
الله يوفقها ويشرح صدرها ان شاء الله
المشاركة الأصلية كتبت بواسطة cute me 
يمكن البنت ماتلحق تكتب كل الكلمات يوم المدرسه تقولها ..
ويوم تسالا لمدرسه ما اطليع اتعيد لها .. .
جربي ساليها يمكن هي اتخااف من المدرسه وماتكتب اذا حست عمرها بتغلط علشان ماتنحرج جدام البنات ..
الله يوفقها ويشرح صدرها ان شاء الله
مشكوره فديتج
والله يشرح صدرج ان شاءالله
عزيزتي انا برايي انج اتسيرين المدرسة وتقابلين المدرسة واتحاولين ترمسين وياها
أنا كنت في مدرسة خاصة وطبعا المدرسات في منهم الهنود ومنهم العربيات ..
أقصد ان يمكن بنتج ما تفهم للمدرسة.. انتي سيري المدرسة وشوفي المدرسة ورمسيها وشوفي طريقة رسمتها بالانجليزي يمكن اتكون سريعة او ان لها لكنة خاصة ما تنفهم
يعني مب معقولة ان البنت تكون حافظة الكلمات وما تكتب حتى ربعهم في الاملاء .. اكيد في شي غلط
انا بعد ولدي نفس الحالة
اتضايج وايييد
يوم اجوف علاماته
وهوه يحاول ويحفظهم فالبيت
بس ماادري شووو السبب
ودي اساعدج بس ما عندي حل!!!!
للرفع