السلام عليكم يابنات شخباركم عساكم بخير
رمضان كريم وربنا يعيده علينا وعليكم وعلى جميع أمة الإسلام بالصحة والسلامة
يدش فالموضوع
أنا عرسي فشهر 12 إن شاءالله ومن أسبوع سويت اشتراك فكورس العناية فمشاكل الشعر لن شعري وايد خفيف ويتساقط فشكل فضيع
المهم الخبيرة جزاها ربنا كل خير حست ان التساقط وايد ونصحتني أسوي فحص هرمونات وحديد واذا عندي فقر دم ولا لا
وفعلا سرت للمستشفى وطلع عندي نقص كبير فالحديد والطبيب وصفلي حبوب آخذها
السؤال وخاصة للي سون هاذا الكورس فرايكم هل أوقف الكورس الحينة وعقب علاج الحديد بعاودله ولا أقدر اني أتابع هالكورس وفنفس الوقت أعالج نقص الحديد؟
أخاف اذا وقفت الكورس مايمديني الوقت أعاودله لن علاج نقص الحديد بروحه يباله ثلاث شهور
وأنا الصراحة متفائلة وايد فهالكورس لنل شفت كمن وحدة مسويتنه والنتيجة كانت حلوة ماشاءالله
ارجوكن يابنات إلي استوى معاها مثلي لاتبخل علي وتخبرني إيش اسوي 
حبوبة اكسبي الوقت ومشي الثنتين سوا افيدلج
رايـي من رأي الاخـت لاريـن
والله استانست وايد بردودكم خواتيه
أمس رديت من العمرة الحمدلله
وأبا ردود وآراء زيادة فهالموضوع لن خلاص ماشي وقت
انا نفس حالتج شعري يتسآاقط واااايد وايد حتى احيد كنت رايحه عرس والي تسويلي شعري قالت يتساقط وايد ونصحتني بالفيتامينات
وصح كلامها الفوأكه – الحليب الطازج البارد – السلطه كلها تقوي الشعر
خاصة الفواكه الها دور كبيييير في الشعر والبشره وبتقويلج الحديد مثل الموز
وانا اقولج اهتمي فالاثنين وسوي كورس عند صآالون زين وان ششاء الله يعتدل شعرج
هاي نصآايـح عاديه بس تلعب دور
– لا تتسبحين بماي حار ابببداااا انا يوم اتسبح اتجوفين كووومه شعر طايحه
– ولا تتسبحين كل يوم لان الماي في ماده تتعب الشعر
– قبل ما تتسبحين حاولي تحطين على شعرج كريم باراشوت او كريمات مقويه ساعه واتسبحي ولا اتطوليين اكثر لانها ممكن تعطيج نتيجه مب حلوه
– خلي شعرج مفتوح لا تربطينه وحاولي اتقصينه لان شكل القص بيأثر في حجمه مثلي شعري كان طويل لين أخر ظهري وضعيييف بس من قصيته حسيته
صار كثيف
وفي زيـت امايه شارتنه حق اختي يوم تساقط شعرها ونفعها واايد وخف التساقط في شكل ملحوظ
اسمه زيت الثــوم يطول الشعر ويمنع تساقطه وتقصفه وعن تجربه ^^واذا تبين صورته انا حاضره
وبس اتمنى اني ما طولت عليج الغآاليـه بس حبيت افيدج
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب 
مشكورة أختي ريماس نصايح وايد مفيدة بسويها إن شاء الله