إطالة فترة الخطوبة والملجة

شخباركم شو علومكم

ان شاء الله تمام

حبيت أعرض لكم هالموضوع الحساس اللي هو

إطالة فترة الخطوبة والملجة

من واقع تجربتي صارلي مخطوبة لولد عمتيه 3 سنين ولين اليوم ما صار شي وأنا الحمد الله أستخير وما يصير شي كل مرة يسافر من دولة إلى دولة فوق هذا كله يوولي خطاب وأنا أرفض عشانه، وهو ولا عالبال……………………………. الصراحة وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ايد مليييييييييييييييييييييييييييييييييييييييببببببببب بببببببببببببببببببببببببببببببيت من هالوضع والكل يقولي خلاص افصخي الخطبه وأنا أفكر عن يصير شي بين الاهل واكون انا السبب أتمنى مساعدتكم لي بقتراحاتكم و مشاركتكم في هالموضوع

انتي عاد 3 سنين ياحيج .. انا اعرف وحده تم ولد عمها محيرها 10 سنين وفي هالسنين يوونها خطاب اشكثر

والله ما ابالغ ,, انه حتى شيوخ يو وتوسطو بس عشان حضره جنابه محيرها خلاص مافي مجال لحد ثاني

وبعد طول انتظار 10 سنين ملج بها .. وقعدت مالجه 3 سنين .. والولد ماوراه شي .. يعني مافي عائق في الموضوع

بس استفاد منها خذا منحة الزواج وقدم على ارض وخذاها بعد .. وزادو راتبه ..

وهي يحليلها تتريا ..

اخر شي امها طفرت ورمست امه قالت ان ماسويتو عرس خلال هالشهرين .. طلقو بنتنا ..
وتمو سنه وطلقها ..

يعني حرام الولد ضيع عليها فرص زواج من شباب خلوقين وايد .. ولا استفادت شي فالنهايه ..

.
.

ومن غير احس ان فترة الملجة الطويله اذا زادت عن حدها تصير بايخه ..
وتزيد المشاكل بين الاثنين ويظهر الملل في العلاقه ومن بعدها يصير انفصال ..

نصيحة مني ارمسي ولا تسكتين وحاولي ادخلين اطراف فالسالفة لان سكوتج مب من صالحج ولا من صالح مستقبلج ..

انزين خلي حد يرمسسه خواته ولا أي حد قرييب

وشوفوا شو ردت فعله