السلام عليكم
شحالكم خواتي
الغاليات بغيتكم تساعدوني في اغراض البيبي هذا اول حمل لي والله يتمملي انا والخوات حملنا على خير
انا موبقادره اخلص اغراض البيبي يعني موبعارفه شو الكميه اللي اخذها من كل شي ياريت الامهات يساعدونا ابغي اخلص وارتاح عشان مايكون ناقصني شي
في انتظاركم خواتي
هلا اختي ^_^ الله يوقومج بالسلامه ان شاءالله
شوفي هاللينك بيفيدج وااايد
أنا بعد هذا أول حمل لي وتقريبا الحين خلصت تجهيزات البيبي…
في البداية كنت متلعوزة مب عارفة شو آخذ وشو يحتاج البيبي…
أهم شي تاخذين الأساسيات وإلي تحسين إنه محد بيشتريهم غيرج…لأنه أي شي تحتاجينه عقب ريلج
وإلا حد من أهلج بيشترولج…
أكيد إنج بتسمعين من الناس وايد…أشتري هذا ولا تشترين هاذاك بس في النهاية بتعرفين شو إلي بيناسبك لأنها أول تجربة لج…فلا تكثرين…
أهم شي تاخذينه جلابيات المستشفى ويكونون 3 أو 4 وكل وحده إلها وقاية بيت مناسبة…وعقب بتلبسينهم فالبيت إذا حد يأ زارج فال 40
ممكن تاخذين أحتياط جلابيتين عاديات مال البيت لأنه ممكن تربين في وقت مب وقت زيارة…
ملابسج الداخلية…
فوطة…فرشاة أسنان…معجون أسنان…صابون…كريم..فوط صحية…غطاءات الرضاعة…نعال ناعم للغرفة…طبعا هذا للمستشفى…
أغراض البيبي
5 أفرولات نيوبورن
5 أفرولات 0-3
5 فوانيل داخلية نيوبورن
5 فوانيل داخلية 0-3
3 قماطات قطن
قبعات مناسبة للأفرولات
3 لحافات موجودة عند بيبي شوب
مرضعة زجاج أم رقمين
مرضعة زجاج أم 4 أرقام
فرشاة لتنظيف المراضع
آلة تعقيم المراضع
مصاصة
حافظة للماي الحار
بامبرز
صابونة سيباميد للأطفال
شامبو سيباميد للأطفال
حوض
2 فوط
2 او 3 بدلات من 0-3 أو 3-6
لأنه الياهل فالبداية مايلبسونة بدلات…
2 مدس للبيبي واحد عادي نفس إلي في بيبي شوب…
والثاني ممكن يكون دانتيل للمستشفى ويوم حد بيزورج…
2 شنط لأغراض البيبي…
حاولي لا تاخذين الأشياء إلي مالها لزمة لأنه عقب يوم بيي البيبي بتعرفين شو تاخذيله…
الله يقومج بالسلامة ..
ماقصرت الاخت شنيوبة قالت كل شي يعطيها العافية ..
تقومين بالسلاااااامة
مشكورات خواتي
تقومين بالسلاااااامة