أشكركم بنات من كل قلبي يا خواتي الحبيبات ^_^

السلام عليكم ورحمة الله تعالى وبركاته
بنات أنا أشكر كل اللي مرت على موضوعي ونصحتني وخاصه الخوات اللي حبو يكونون قراب مني وتمو معاي لين الحين ونحن قاعدين نبذل مجهود وهم ساعدوني وايد باللي انا فيه الحمد لله نفسيتي صارت احسن ومن يومها وأنا ما رمست حد ولا حتى طرشت مسج وكل ما احس اني بسوي شي اتصل بوحده من البنات اللي فعلاً أشكرها انها تسولف وياي وتحاول تساعدني بكل معنى الكلمه تتصل تسأل وتطرشلي مسجات وتقولي لو بغيتي تكلمين حد اتصلي بي انا احسن حتى لو حسيتي نفسج ضعيفه اتصلي وانا دون وياها اتصل عشان ما ارجع للي كنت فيه احين مر اسبوع والله عايشه براحه الحمد لله الحمد لله وكل ما اقول خلاص برد وتييني اتصالات او مسجات لا اتذكر وقفتها معاي وربي يعوضني خير واللي ما قرت سالفتي
http://forum.uaewomen.net/showthread.php?t=612245

ومشكورات يا بنات صدق انكن خوات وقت الضيقه
والحمد لله الكل كان يكلمني بحب وحنية
أحس البسمه بدت ترجع لي بعد معاناة وعسى الله يكتبلنا هالسنه خير وكل السنوات ولكل المسلمين ويغفر لجميع المسلمين
صدقوني يا بنات نحن مب انا مب زينات او راعيات مشاكل وجي او هلنا ما ربونا بالعكس ربونا احسن تربية ما نطلع من يزاهم سبحان الله عله اختبار من ربنا بس نحن ما عرفنا كيف نصبر ونحتسب

وانتو راويتوني الانسانه الحلوه الطاهره اللي داخلي
أحبكم ^_^

الراحه النفسيه اهم شي ودامج لقيتيها احمدي ربج ^_^