أرشدوني أين يتعلم ابني :(

السلام عليكم ورحمة الله وبركاته … بحط مشكلت ابني هنا ممكن يكون احد الاخوات مرة فيها او دوامها يتعلق بي ها الشي واتمنى من الي ما عندها خلفية ترفع الموضوع
عندي طفل لما كان عمرة 4 سنوات في مرحلت الروضة بدت تجيله نوبات الصرع (3) مرات في اليوم وتبين ان عندة كهرباء عاليه في الدماغ وماشي على العلاج والحمد لله:
المهم رحت بسجل الطفل في الروضة طبعا رفضو بناء على حالت الطفل .. قالو روحي سجليه في مركز زايد لذوي الاحتياجات الخاصة رحت وقدمت اوراق الطفل سوو له اختبار وقبلوه بناء على حالته …
المهم درس الطفل في قسم التعليم المبكر لمدة سنتين ونقلوه قسم التعليم التعاوني سنه وهذي السنه دمجو الطفل في مدرسة حكومية واصبح عمر الطفل 7 سنوات ويزااهم الله خير المركز كتبوا على ملف الطفل الطفل غيير محتااج مسااعد معلم داخل المدرسة او الصف وهذا الغلطة الكبرى طبعا …
ونقلوه مدرسه قريبه من بيتي بس ماشي مواصلات ورفضو المدرسة لما رحت بودي الاوراق الثبوتيه
طبعا ما تسرعة رحت للمنطقة التعليميه قالو خلي الموضوع علينا ونقلو الطفل مدرسة اخرى لا يووووجد فيها قسم تربية خاااصه وسوا المركز اجتماع مع المدرسة عشان يخبرونهم بحالت الطفل
وقبلو المدرسة وداوم الطفل مدة اسبوعين واتصلت عليه المدرسة وقالو لتخلين الطفل يدااوم لان مو راضي يدخل الصف واذا دخل المعلمة تقول مو راضي يكتب قلت لهم شكرا وسرت خبرت المركز الي دمجوة وخبرت المنطقة التعليميه قالو نحن شفنا الولد قبل ندمجة مو محتااج مسااعد معلم عشان كذي كتبنا على ملفه انه غيير محتااج( طبعا هذا الي قدرو عليه اكدو قطع رزق الولد بالقلم الاحمر ) المهم غاااب الولد ليين بدايت الفصل الثاني قبله 3 اسابيع سوو اجتماع مع المدرسة وقالوانحن حطينا اسم الولد في الاولويه وافقت المدرسة على ان الولد يداوم داوم الولد وكان عندهم حصة لأحدى المواد الدراسيه طبعا المعلمة اول مرة تشوف الولد وزعت اوراق الامتحان الفصل الثاني طبعا لو ولد طبيعي ما بيعرف يحل ! كيف ولد تعبان وما يعرف لا حروف ولا ارقام طبعا لعنت ابو خاامس المسكين لين ما صاااح من القهر وكتبت على ورقة الامتحاان الولد عنيــــــــــــــــــــــــد بعد الكارثه بخمس دقايق انا كنت طابه على المدرسة صدفة في الساحة تقابلت انا وياها انتي ام فلان نعم ولدج عنييد ولدج كسوول شوو ها وعلى فكرة انا عطيته صفر طبعا كل الكلاس موجودين يسمعون قالو العيال ولدج ما حل ولا شيئ في الامتحاان قلت لها يزاج الله الف خير والولد حالته خااصة وخذيت الولد ورحت للمركز وخبرتهم بكل شيئ وقلت لهم انتو قلتو احنا انشوف حالت الولد ونتابعها واذا ما ارتفع مستواه نغير له المدرسة 3 مرات في السنه وسرت عند اخصائية المدرسة وخبرتها قالت ليش ما توفرين لولدج مساعد معلم من حسابج الخاص لان الولد حالته خاصة ومو اي معلمة بتتقبلها ؟؟!!!
قالو هيه سرت المنطقة وخبرت الاستاذة امل الجنيبي قالت تبين الصدق هذا من وزارة التربية والتعليم مو موفرين مساعدين معلمين عندنا نقص وانا حاطيني في وجة المدفع تسابيت انا وياها وطلعت …
والحين الولد مر الفصل الثاني والولد كتب الفصل الاول فااضيه ما فييها ولا شي والولد مدااوم للعلم الولد ما يدااني معلمة العربي وحتى مرة كان عنده حصة عربي راح الحمام وسكر الباب ويقعد يصيح حصتين ونص لين ما سمع صوت الباصات طالعة فتح الباب والمدرسة كتبو ورقة اخلاء مسؤليه اذا الطالب تعرض لضرر…
وعطوا كوبي للمركز والمنطقة وعطوني كوبي وانا وديت كوبي للوزارة ولين الحين ما سار اي شيئ في موضوع الطالب طيب هذا الطفل مواطن وين يروح وين يتعلم من له

للرفع

12 زارة ووحدة رفعت الموضوع

للرفع

للرفع