الوسم: المراكز

لايفلي عندهم موقع ممكن تدخلينه وتشوفين الوجبات واضني الاسعار
عندج بعد الرايت بايت بعد نفس لايفلي

الافضل اني اسوي اكلي روحي لان ما بيطلع ربع اللي بدفعه لهم

اسير اسبوعيا الجمعية واخذ من اكل الدايت (توست جبن لبنه كورن فلكس فواكه عصاير حليب وروب ولبن قليل او منزوع الدسم وفي بسكويت للدايت ناوية اجربه انش اء الله )

وبعدين الحركة حلوة انج تنشين وتسوين اكلج بنفسج ع الاقل بتسوين شي تحبينه مب شي يبونه وما يعيبج

بس انا سألت سؤال ووصلتني نصايح (^^)

انا اعرف انه اغلى اذا كلت من عندهم

و اعرف ان هالمراكز حق اللي يداومون

يوم كنت اداوم من 8 لين 5 و احيانا 6 طبعا ماكنت اقدر اطبخ لاني في الدوام معظم اليوم

و الحينه انا ساكنه في بيت اهل الزوج

بس الظروف ما تسمح اني اطبخ لي اكلي الخاص و اتبع رجيم

من غير ان عمتيه تحشيني اكل جني بطه هههههههه (عيالها ما ياكلون فالاكل دوم زياده عن الحاجه الله يهديهم فتلجأ لي انا اني اكل مادري ليييييييش!!!!!)

هههههه ادري انه شي غريب

عالعموم شكرا لنصايحكم

و الموضوع هذا مب شرط يفيدني انا ممكن يفيد اللي يداومن دوامات طويله

مب كل الناس اترد البيت الساعه 2

شو اخباركم عساكم مرتاحين ان شاءالله دوم هب يوم؟؟

حبوبات انا عندي موضوع حبيت اني اكتب عنه
وهو ليش ما يكون عندنا زي المواقع الثانيه مرجع للمستشفيات والمستوصفات والعيادات التجميليه
ومنتدى سيدات الامارات من اضخم المواقع النسائيه المعروفه واشهر من نار على علم علشان جذي كتبت الموضوع لنفيد ونستفيد
ويكون موضوع شامل لكل مشكله انتي تعانين منها او قريبتك تعاني منها تخص البشره والجسم
طبعا مع ذكر :
المشكله التي تعاني منها ؟؟؟؟
المستشفى او العياده اوالمركز اللي تعالجتي فيه ؟؟؟؟
مده العلاج؟؟؟؟
اسم الطبيب ؟؟؟؟
السعر؟؟؟؟

وكيف كان العلاج حلو او سيئ و جاب نتيجه ولا لا؟؟ مثل ما انتو عارفين ان علاجات البشره مكلفه نوعا ما
فياريت نتساعد ونفيد بعض علشان اللي تبى مركز او مستشفى لمشكلتها تحصله هني باذن الله و بدون عناء ,,,,,

لان كل شوي البنات وانا من ضمنهم منزلين سؤال يخص افضل المراكز سواء للتقشير او الليزر و للبشره او الشعر او ازالة السواد او تنحيف الجسم وازالة السلولايت وغيرها من المشكلات وللاسف الردود تكون شويه
حبوبات خلو الكسل وادلو بدلوكم
ملاحظه هااامه ؛
( بنات لوسمحتوااحنا نبى تجارب صادقه انتم مجربينها او حد تعرفونه مجربنه ومانبى وحده تشتغل في مركز او مستشفى تجلس تمدح في المركز اللي تشتغل فيه للدعايه وهي ماجربت او وحده سامعه وبس)

ولاتنسونا من الدعاء

يالله بسم الله نبدأ

انا جربت مركز كوزموسيرج في دبي بس ضربت ابر البوتكس مرتين عندهم
الدكتور اسمه محمد ثابت