شحالكن بنات
بنات ابا مشورتكن بموضوع وياليت اللي عندها رد وحل ما تتردد
انا مخطوبه من فتره ومن قبل كانت مشاكل وسوء فهم بين خطيبي واهلي
بصراااحه اباه يملج ونخلص يمكن اقدر افهمه كيف يتعامل مع اهلي يمكن اقدر اغير اطباعه واحاول اقربه من اهلي
شو تنصحوني اسوي ؟؟؟؟؟؟
يعني اطرشله مسج وشو اقوله فيه والا اسكت واتريا لين يحدد من نفسه مع انه هم يبون الملجه متاخر وايد واهلي ما يحبون ان البنت تنخطب فتره طويله
بس ماريد اقوله ان اهلي ما يحبون فترة الخطبة اطول
اصلا انا مااكلمه عشان اقدر اتفاهم معاه
شو تنصحوني اطرشله مسج ؟؟ والا بيعتبرني عاقه عمري عليه !!!!!!!
ابا اتجنب المشاااااكل ساعدوني
الله يقدم الي فيه الخير..
اختي لاتدخلين حاليا في الامور..خليج بعيده..يمكن الخطوه الي اتفكرين فيها تنفهم خطاا وتكون ضدج..
الله يوفقج ويعجل زواجج..
اختي انا والله والله مب مستعيله بالعرس ابدا وهم عارفين هالشي
بس انا ابااااا افهمه كيف يتصرف مع اهلي
لان هم عايشين فبييئية كلها مزح وجيه واهلي جديين شوي وقبل كل مره كانوا يرفضونه فيه من هالسبب
اباه يكبر بعين اهلي وتستوي علاقتنا احسن بس ماعرف كيف ):
نصحيه لا تطرشين مسج ولا هم يحزنون
ادعي ربج وان شاء الله تتيسر امورج
اختي لا طرشين مسج و اذا الله كاتب لج نصيب معا بتملجون
يمكن من التأخير خير لج ………….
مشكوره اختي تفاح احمر ع الرد الطيب
المشاركة الأصلية كتبت بواسطة العجيبه 
يمكن من التأخير خير لج ………….
مشكوره اختي
عسى خير ان شاء الله
مع اني والله بس مابا المشاكل تزيد
ماادري اذا فهمتوا قصدي زين من الموضوع
انا فحاله ما يعلم فيها الا رب العالمين