السلام عليـكم والرحمـه،، ^^
هذا ثاني موضوع في سلسة مواضيع مختصه في الـonline shopping
اولا بذكر خصائـص مواضيع سلسلة الـonline shopping اللي انا مسوتنها،،
+ كل موضوع بيختص في موقع واحد
+ الموضوع فيه شرح بسيط عن طريقة الطلب والتوصيل من الموقع
+ الموضوع بيتضمن صور مختلفة مختارة من الموقع
+ الاسئلة على العام عشان الكل يستفيد (ممكن تراجعين الاسئلة في المواضيع السابقة ووايد بتستفيدين ^^)
+ الموضوع موجه بشكل خاص للي مول ما يطلبون اون لاين وحابين يتعلمون
+ كل موضوع بحط في آخـره بعــض مشترياتي من الموقع نفسـه (منها حفاظا على المصداقيه ومنها تقدرون تقرنون بين الصور واللي وصلني)
بما انه الموضوع الاول اللي نزلته كان عن موقع يبيع الثياب/الاندر وير/البيجامات واللي هو Victoria’s Secret
وهذا رابط الموضوع للي حابــه تشوفه،،
shop online مـع بنــت أحمــد،، Victoria’s Secret ♥ } ~
هالمــرة اخترت موقع وصلتني منه طلبيـة البارحة،، وهاي ثاني مره اطلـب منه ^^
مختــص في الاكسسوارات والمجوهرات واللي هو MaxandChloe
وهاي خصائص الموقع،،
+ يشحن للامارات direct
+ عنده ماركات متعددة للاكسسوارات والذهب والالماس
+ الاسعار عندهم تختلـف باختلاف الماركات شي اللي جدا عادي وشي اللي اسعارهم اوفر
+ كواليتي الـbrands اللي عندهم وااايد حلوه ومن الراقي
+ الموقع سهل التصفـح
***
عندي ملاحظــة قبل الصور،، لاني انا اطلب خواتم ايني وايد سؤال
"كيـف تعرفيـن قياسج؟"،، القياسات في الموقع بالامريكي يعني 5 6 7 8
وانا اعرف قياسي عن تجربـة لاني حتى هني في البلاد يوم اشتري آخذ 6
ويوم طلبـت من الموقع (من 3 ماركات مختلفة،، القياس صحيـح بالنسبة لي)
ونفـس الشي بالنسبـة لكم،، لازم تكونون اساسا تعرفون قياساتكم! ><
***
اخليكـم مع الصور،،
<<<< عندي الخاتم بالحجر الكالسيدوني الاخضر (على شكل قلب)
<<<< عندي الخاتـم بحجر الـdruzy الفضي (اللي على اليمين)
من ماركات مختلفة،،
Yochi
Bayview
Alvina
Andara (هذا my new ^^ وصلني البارحة)
Indulgems
Emily Elizabeth
Lafonn
في اول اربـع كوليكشنات اسم الماركة مكتوب على الصورة،، ^^
وفي الصور المختارة كتبت اسم الماركة فوق الصورة
اللي حابه تشوف اي شي من اللي حطيته في الموضوع تدخل الموقع
على اليسـار مكتوب Designers،، تدخل على لسته المصممين وبتلقى الاسم في هالصفحة،،
.
.
.
.
مليــتو؟ 
انزيـن، الحيـن بالنسبـة لتجربتي الشخصيـة،، ^^
قبل فتره طلبـت خواتم من ماركة Dara Ettinger اللي هن باحجار الـdruzy
(الروز قولد من الحجر الاسود،، والفضي مع الحجر الابيض)
وطلبـت خاتم من ماركة Piara by Elaine J
(اللي هو حجر الكالسيدوني الاخضر على شكل قلـب)
وهاي الصور،،
والبـارحة وصلني خاتم كنت واااايد اتشاور عليه واللي هو البـايثن
من ماركة Andara،، تشاورت عليه واااايد لانه فضي وانا من النادر
اني البـس فضي بس لانه مب اي حنيـش شكله حلو اقتنعت فيه بسبب تفاصيله
بـس من وصلني امــس وانا متخبله عليــه احسبه جميــــل في اللبـس،، ^^
وهاي الصور،،
وبـس،، ^^
لــي عودة قريبــا بموقـع يديد
شوو هالجمييل ~
حبيت الخاتم الأخير وايد ..
شكلي بجرب اطلب منه فأقرب وقت ..
تلبسينهم بالهنآ خيتو ^^
مووووووووفقه اختي
يسلمو حبيبتي عالمواضيع اللي تجنن ^_^
ما شاء الله عليج يا "بنت أحمد" ..
دووووومج مميزة ..
تسلم إيدج 
حبييييييييييييت الخاتم الي على شكل حنيش
وانتي الي محلتنه اكيد 
تسلمين عالموضوع غناتي