في رمضـــان كنت مسويه ديزاينات وروود وأوراق … ومن وقتها وانا أفكر شو أسوي في هالوردات
يبت برواز كان عندي … وقلت بسوي على شكل مزهريه .. بس الفكره ما دشت راسي
وحطيت الوردات والأوراق في بوكس وسكرت عليه .. ونسيت سالفتهم
من أسبوعين تقريبا تذكرتهم (^_^) .. وسرت وطلعتهم وقلت بسوي بطاقات
تنفع للتهنئه ( بالمولود .. زواج .. بيت يديد ) لاي مناسبه
وقصيت ولزقت وسويت .. وشوفوا كيف كانت النتيجه
بس التصوير مووول مب شي … بصور باجي البطاقات عقب وبحطلكم إياهم
وخلال الايام اليايه بصــور لكم الباقي .. وبسوي لهم اظرف بعد
شو رايـــــكم ..؟؟
ماشاء الله شغلج حلو
نتريا الباقي
هلا اختي ماشاء الله تبارك الرحمن
حبت اسئلك كيف قصيتي الورق بهذا الشكل اذا كانت اله ياليت تصورينها
الله يبارك لك في وقتك
مشكــوره عزيزتي
بس أحط الورقه فيها وأخرمها .. وتطلع ورده
حتى شوفي الورده متكرره بأكثر من بطاقه بس بوضعيات مختلفه
وإن شا ء الله بصورهااا
شغل حلو ناااعم ماشاء الله عليج
ربي يوفقك يا الغلا
ونحن بانتظار جديدك دوم
ماشاء الله ماشاء الله ماشاء الله
دخلت بس عشان أرد على الموضوع
حلوين .. والألوان بعد ترتوب ..
أخيرا قطاعات هاه ؟
شغلج بهم وبدونهم روعه ماشاء الله ..
حطيهم في التجاري ..
هذا وقتهم