اشحالكن اخواتي ,,انا عندي مشكله صغيرونه اتمنى حد يساعدني فيها
انا يا اخواتي ما اقدر ايود عمري فشئ مثلا بعطيكم كم من امثله..
يعني اخبر اي حد عني مثلا إدا حملت اخبر أمي الله يحفظها وبتقولي لا تخبرين اي حد بعد..
وانا ما شاء الله عليه يوم ثاني ما ايود رمسه لازم اخبر ربيعاتي واهلي كلهم حبه حبه على قولتهم وسبحان الله ما يستمر هالشئ ,, وعقبها اندم واايد لإني خبرت..
وبنات كلكم تعرفون هالزمن ما تعرفين منو يحب لج خير او منو عدوج .. أو سبحانه الله يمكن يصيبج العين او حسد..
إدا وحده مثلا قالت لي شئ عنها او(سر) تقولي لا تخبرين سبع مستحيلات ما اييب طاري سالفه موليه مع اي حد,, بس عن نفسي ما اقدر ايود عمري.
يعني بالشكل عام بنات قولولي كيف ايود عمريه وما اخبر حد عن اي شئ..
بليز ساعدوني.
وسامحوني إدا موضوعي هب مرتب .
والله اختي هالشي غلط لاني انا اعاني منه واايد احس الناس كلها بتفرح لي
ماقدر ايوود لسااني عن الاشيا الحلوه مع انه المفروض مب كل شي نقوله للناس والخلق
(( يقولج المثل لو ما الحسد مامات احد ))
بس الحين قمت شوي شوي اتعلم ما اقول كل شي احافظ عالخصوصيه نوعآ ماا
لاني اشوف كل الي حولي عكسي مايحبون يقولون عن خصوصياتهم !!
كثري من الاستغفار ولا تفكرين فالموضوع اللي خاطرج تطلعينه مووووووووووول يعني انسيه
للرفع
المشاركة الأصلية كتبت بواسطة اوقات فراغ 
ماقدر ايوود لسااني عن الاشيا الحلوه مع انه المفروض مب كل شي نقوله للناس والخلق
(( يقولج المثل لو ما الحسد مامات احد ))
بس الحين قمت شوي شوي اتعلم ما اقول كل شي احافظ عالخصوصيه نوعآ ماا
لاني اشوف كل الي حولي عكسي مايحبون يقولون عن خصوصياتهم !!
تسلمين حبيبتي على الرد
وصدقج في الناس حولينا ما يحبون يقولون عن خصوصياتهم ..
ونحن ليش نقول!!
والله يا اختي انا اعرف حريم يوم يحملون ما يخبرون حد الين يكملون شهر ثالث او رابع ..
وانا عكس سبحان الله من يوم ثاني كل حد يدري .
تدرين ليش هالشي فيج؟؟لأنج طيبة وعلى نياتج
بس بإختصار سوي الي بقولج عليه
من اتحسين السانج يقرصج الا تبين ترمسين قومي واكتبي على صفحة وورد ولا على دفتر عقب طرطري الصفحة
يعني حاولي اتعبين عمرج فالكتابة +انج اتفرغين شحنة الرمسة الزايدة فالورق +تتأكدين انه محد بيشوفج وانتي تكتبين بالتالي تشترين راحتج
والله يوفقج
المشاركة الأصلية كتبت بواسطة @أم عمر@ مشكوره غناتي على الرد ,, نورتي صفحتي ,, وإن شاء اسوي اللي قلتي عنه
ويزاج الله خير..