هلا خواتي جيف حالكم إن شاء الله بخير
حبيت اسالكم عن هالكريم جل التسنيين ينفع ولا ماييب نتيجه
لان ولدي توه بدت تظهر له اسنان وابا اعرف اذا ينفع له وهو ولد 9شهور
وهذا الكريم اربيعتي يايبتنه من تايلند السنة اللي طافت
وماحب اجرب دوا بدون استشارة طبيب هذي عادة فيني
بس كنصيحة من الخوات احب اسمع رايكم
والسموحة يالغاليات
انا جربته حق ولدي وموجود منه في الصيدليات بكثرة ايقولون ايسكن الالم ويوم سألت الدكتور عنه قالي لا تستعملينه قلته ان ولدي ايسنن قالي هذا شي عادي ايام اول ماشي هاي السوالف وقالي تركي عنك هذا الدواء وهيه فترة وتعدي
انا أول ما بدت بنتي أتسنن أشترت الها هذا الجل حطيته مره أومرتين بس ما أحس ياب نتيجه فودرته عنها والحمدلله ما استخدمت الها شي من عقبه ،،،
انا استخدمته بكثرة يوم ولدي يتويع من اسنانة
بس احسة اوكي بس عاد لات حطي وايد له
وايد ينفع وبنتي كانت تتخبل عليه
وريحته شرات المسمار ( مال الاكل )
غسلي صبعج عدل وعقب حطي شوي وفركي لثته
وااااايد اوكي
واصلا دونتينوكس معروفه وموجوده فالصيدليات كلها
انا استخدمته ويا ولدي وكان اوكي يسكن الالم شوي