مرحباااااا
بدخل فالموضوع سيده ….
انا الله يسلمكم عندي خدامه وايد احبها يعني احبها لانها وايد حنونه وطيبه مع ولدي وكله تلعب معاه صح انه عقلها صغير واول مايتني كان عمرها 18 ووايد بهدلتني فالبدايه لين ماتعلمت عاد الحين ع شهر 6 بتروح وانا بصدفه دقلي مكتب الخدم اللي متعامله وياه وقالي انه عنده خدامه مرجعه وقلتله اوكيه هاتها بجربها وطبعا ريلي رافض فكرت خدامتين فالبيت وانا يبت الثاني اجربها بدون علمه وعقب قلتله وفهمته انه الاولى بتروح ع شهر 6 وبخلي هاي عندي تتعلم هالفتره لين ماتروح الاولى وعقب وافق ورحت اتاكد من خدامتي الاولى لو بترجع ولا لا لانها اذا بترجع برد هاي الثانيه وقالتلي لاتبا اطول عند هلها وهالكلام من شهر والحين اتقولي انها تبا تيلس بس 3 شهور وكانت بترد لو مايبت غيرها ووايد حزنت الصراحه لانه الحين ماينفع الكلام لانه صاحب الخدامه الثانيه اتنازل عنها حق ريليه … الحين شو الحل ؟؟؟؟ حتى الثانيه وااااايد زينه وماتهون عليه اعطيها حق حد بس ماعرف شو اسوي لاتقولون موضوعي تافه والله هب تافه لانه صدق الاولى واااايد تعرف حق ولديه مع انه فيها هبال شوي … الحين بس اريد اعرف شو الحل ؟؟؟؟؟؟؟؟ اذا اريدها ترجع شو اسوي ؟؟؟ ضنكم اتنازل عن هاي الثانيه يوم بترجعلي الاولى؟؟؟؟ والله وايد حزينه مع اتقولون بتروح عني باجر مع انها بتروح شهر 6 وترا انا مش من النوع الطيب وايد مع الخدامات كله اواقعهن وعصبيه ع اي غلطه
انصحج مهما الخدامه طيبه لاتخلينها مع ولدج بدون رقابه
والاولى ولا الثانيه شوفي الاحسن وخليها وتنازلي عن الثانيه لو تبين الاولى
يمكن الاولى تقص عليج تقول بترد وماترد وايد سووهااااا وخذو التذكره وماردوا
عصفور باليد ولا عشره فوق الشجر انتي فكري عدل ولو ضامنه انها ترد لج وتبينها خليها
وتنازلي عن الثانيه ولو مب ضامنه خلي الثانيه واكيد بتتعود ع ولدج مع الايام
المشاركة الأصلية كتبت بواسطة حلوه وقموره 
والاولى ولا الثانيه شوفي الاحسن وخليها وتنازلي عن الثانيه لو تبين الاولى
يمكن الاولى تقص عليج تقول بترد وماترد وايد سووهااااا وخذو التذكره وماردوا
عصفور باليد ولا عشره فوق الشجر انتي فكري عدل ولو ضامنه انها ترد لج وتبينها خليها
وتنازلي عن الثانيه ولو مب ضامنه خلي الثانيه واكيد بتتعود ع ولدج مع الايام
فديتج انا مابتعلق فيها مني والطريق انا تعلقت فيها لاني حاطه كاميرات فالبيت ومراقبتنها ووايد معاملتها حلوه مع ولديه وهيه ابوها مطوع وهلها محافظين وعمرها ماجذبت عليه ويوم اتخاف تجذب بس يوم احلفها ماطيع تحلف وترد اتقول الصدق يعني احس مستحيل اتروح وماترد لو انا اباها
دايما توكلي على رب العالمين
وانتي اتخذتي قرارج ويبتي خدامة ثانية
يعني خلاص مشكلتج وانحلت
هاتي البشكارة الثانية وعطي اهلج اياها مثلا وانتي خلي عندج بشكارتج الحالية
واذا لا سمح الله صار اي شي وهاي البشكارة ما طاعت تشتغل ترا الثانية موجودة بس عند اهلج
انا ما انصحج انج تقطعين رزق هاي وتسفرينها عسب الثانية انتي ما تدرين يمكن لما ترجع الاولية تكون تغيرت خاصة انج بتسفرين وحدة على شانها يعني بيكبر راسها عدل
وفي النهاية القرار راجع لج
يمكن الاولى غيرانه من الثانيه عشان جي اتقوول بترجع
مآدري شقولج يالغاليه
بس من تجربه .. اذا البشكاره ظهرت و ردت لبلادها
ماتوقع ترجع .. وحده من 100 اهي اللي بترجع
كانت عندنا وحده جيه .. طيبه و زينه و شغلها تمام ..
لكن فجأه جاها اتصال و تغيرت و تقول ولدي مريض و ولدي سوي حادث مع ابوه
الوالده ما كانت مصدقه و قالت هذي حركات بشاكير ..
انا قلبي عورني و قلتلها يا يمه خلها تروح و بترجع ان شاء الله
سبحان الله .. انا الوحيده اللي كنت اباها تروح لآنه السالفه فيها ولدها
و الوالده مصصصصصصصصصره انه لآ .. تقعد و يوم يخلص عقدها تنجلع ^_^
و سبحان الله راحت و لا ردت
و نتصل و نتصل اذا بتجين عندج فتره معين ..
و طبعا ً الاخت ردت علينا و قالت ما بتجي !!
فـ الحين يا الغاليه دام عندج وحده زينه و شاطره
لا تستغنين عنها خليها عندج لما يفرجها الله
و اذا هذيج ما رجعت .. هذي بتكون زينه ^_^
يعني في كلتا الحالتين انتي الربحانه
