السلام عليكم ورحمة الله وبركاتـــه
سؤالـــي يضحك أدري …بس عطوني الحل لانــي ما أعرف ،،،
انا أمس كنت بسوي على الغدا ديااااي (طبعا صدور مب ديايه كامله )
وحطيت صدور الدياي في الماي وكل شي عقبها بفتره تقريبا بعد ساعه اتعايزت
اســـوي الغدا …فالدياي حطيته في جيس وحطيته في الفريزر…
عااااادي ولا خلاص اعقــــه مب زيــــــن …أفيدونـــــــــــــي…
إذا فورتي الدياي عادي تحطينه في الفريزر لكن إذا ماكان مفور لا مب عادي
سوي دياي بالروب أكله لذيذه و وااااااااااااااااااايد سهلة
لا أنا ما فورتها بس حطيتها في المااااااااااي يعنــــي اعقها وينكم بناااااااااات ردوا عليييييييييه
المفروض ماحط هالموضوع هنيه لكن لأنج يمكن مستعيلة و بما إن الموضوع هنيه بحطه و بعدين عادي ينقل لقسم الطبخ
دياي بالروب:المقادير:
دياي على حسب العدد
رز على حسب العدد
بصل وااااااااااااااااااااايد لازم يكون
روب (قوطي روب كبير لكل دياية) بس أنا أحط أكثر
بهارات سبايسي
بطاط و جزر مكعبات
الطريقة:
فوري الدياي بروحه و العيش مع الجزر بروحهم و حطي الملح معاه لكن لاتخلينه وايد ايلين يعني اشوي لأنج بعدين بتخلينه ينطبخ مع الروب و وايد بيلين
حطي البصل ينقلي مع الزيت … خلال هالفترة اقلي الدياي بزيت ثاني عسب يكتسب اللون الأحمر و اقلي البطاط
حطي الدياي مع البصل و البطاط و حطي بهاراتج ( أنا دوووم أحط صلصة الكاري و الفلفل الأحمر عسب يكون سبايسي لكن فيه ناس مايحبون الأكل الحار) طبعا لاتنسين الماجي و الملح
ضيفي الروب بحيث يكون مستوى الصلصة كلها مع الدياي ثلث اليدر أو فوق الربع بشوي
حطي العيش و خليه ينطبخ فترة ربع ساعة أو حسب الرغبة
(طبعا بتحسين العيش بعده فيه ماي بس عادي لأنه هذا الروب و بعد فترة بتحسينه كله اختفى لأن العيش يتشرب الروب)
هالأكله لذييييييييييييذة و الكل يتخبل عليها في البيت يوم أسويها
و سلطتها ههههههههه لاتضحكين 
سلطتها:
بصل أبيض مقطع حلزونات (شكل الهلال)
طماط
نعناع
بقدونس
سماق
ملح
ليمون
إخلطيهم مع بعض و شوفي كيف بياكلون أصابعهم وراها لوووووووووووووول
و هني و عافية
أختي الديايه من البارحه في الثلاجه اللي اقصده اليوم او باجر اطبخها عادي
المشاركة الأصلية كتبت بواسطة هنودة1985 
أحتي.. دام الدياي ما تفوّر يعني ما يصلح تستخدمينه خلاص..
اذا الدياي ماتفور و حطيتيه في الماي خلاص ماترومين تستخدمينه خلاص..
عطي قطوة بيتكم خخخخخخخخخ