السفر الى الهند

السلام عليكم ورحمة الله وبركاته

والله يا اختي انا من زوار بمبي فقط وماسرت هالمناطق بس معروفه الهند بكافة ولايتها بجوها الموسمي الممطر فالصيف بس الجو مايكون بارد الا يمكن فالمرتفعات خذي نصيحتي وادخلي مواقع المناخ والطقس وشوفي جوهم قبل 5 ايام من سفرتج،، بالنسبه للمسافات سوي بحث فالجوجل بتعرفين كم كيلو بين منطقه ومنطقه اماا بالنسبه شو تشلين وياج اهم شي المظلات لان مطرهم يغزرر ماشاءالله واذا تنقلاتكم بتكوون في سياره لاتنسين شاحن الموبايل اللي ينحط فالسيايير معظم الناس تغفل عن هالنقطه واذا ببتنقلوون وااايد عليج بالمقرمشات من شبس وبسكوت والكاكاو عسب تتسلون فالدروب،، وخذي ادويه مضاد حيوي اوجمنتين مثلا ولا ادول والهند يا مكثر ادويتها واحسن من ادويتنا ،، واذا عالاكل الهند مافيها تعقيدات فالاكل اكلهم جريب من اكلنا وعندج واايد خيارات احنا اليهال نطلبلهم عيش بالكمون ولا دياي مقلي بدون بزار او اندومي كل شي تحصلينه عندهم وان شاءالله تستانسوون فالسفره

بنغلور بيكون جوها معتدل هذاك الوقت ان شاء الله لانه الهند بشكل عام يبدا المطر عندهم ع بداية شهر 7
انا كنت موجودة بنهاية شهر 7 فيها وطاح مطر قووي فيوم من الايام ,
خلكم عملييين عملييييين ><"
خذوا ضرورياتكم وياكم ووبس
لا تشيلو سامان وايد عسب انكم بتتنقلون وايد !!
المسافة بين بنغلور وميسور 3 ساعات بالسياره وبين ميسور واوتي مال ساعتين , الباجي ماعرف
بنغلور يبالها مال اسبوع والا 5 ايام كفاية
ميسور يبالها يومين
اوتي لامحدوووود
كماركم, مونار بكيرلا , شوي ابعد من هالاماكن

شوفي تقاريري عن بنجلور وميسور السنه للي طافت
الباجي ماعرفهم السموحة

شكرا لك غرشوبة زعبيل على مرورك وانشاء الله بمشى على نصايحك

اشكرك وجزاك الله خير

هووووووووب

اختى انا من يومين راده من مومباى عندهم امطار وهذى الامطار اتيهم من شهر 6 الين شهر 7 ولازم تاخذين احتياطاتج من الاكل المعلبات لان انتى ومزاجج يمكن ما ايعيبج اكلهم ابصراحه مب لهناك حنا ابصراحه اتندمنا انا ما خذنا اويانا شى من المعلابات وخذى حق اليهال الوجبات اللى هم ايحبونها من لبلاد لان اهناك صناعاتهم فطعم وايد تختلف من اللى عندنا يعنى انصحج تاخذين معداتج قبل لتسافرين
ورحله اموفقه ان شاالله