السلام عليكم حبايبي …. شحالكم…
بغيت أعرف منكم أنا سمعت عن جبل الثلج في تركيا ويوم سرت العام قالولي لازم نسيرله بالتلفريك وأنا أخاف أسير فيه… وسمعت ناس خبروني أنه أقدر أسيرله بالسيارة…
ياريت لوتفيدوني إذا حد سار منكم جبل الثلج بالسيارة.. و إذا عندكم أرقام حق سواقين في تركيا يودون جبل الثلج…. لأنه الأسبوع الياي بإذن الله بسير تركيا…
ضروري الله يخليكم في خاطري أسيرله..
وتسلمون…
للرفع
حبوبه اذا ماخاب ظني المكان اللي تقصدينه هو في يلوا
بس هالوقت ماشي ثلج
والله عيل يقولون شي ثلج بعد في الصيف..
جبل اولداغ في بورصة
بس في الصيف ما في ثلج
خضرة وبعدين في مطعم يعطونج الشواية تشوون واجواء حلوة
المشاركة الأصلية كتبت بواسطة غراشيب 
بس في الصيف ما في ثلج
خضرة وبعدين في مطعم يعطونج الشواية تشوون واجواء حلوة
صحيح في الصيف مافي ثلج بالجبل بس بصراحه كانت مره بارده لحد التجمد
من اسبوع يايه من هناك اختي
في ثلوج
بس تقل خلال شهر 7 و8 وترجع شهر9
والتلفريك حلو ما يخوف
بس مشكله زحمه فيه