حبيباتي. أنا عرسي أول شهر خمسه إنشاللللله ~» بأااااااااركولي^^ وزوجي عنده شهر خمسه كامل طبعا وحابين نسير جوله لأوروبا ف أبا رايكن ف أحلى الأماكن عشان نزورها • أتمنى اللي ادش ترد ولو برأي واحد ومقدما شكرا ع المرور. بالتوووووووووفيق
للرفع
لندن-فيينا-جنيف-باريس
^_^
Alfatami شكرا ع الرفع رفع الله من ميزان حسناتج إنشالله وفضى الكون شكرا ع المرور وحلوه آرائج بس فديتج أبيج تقولين لي شو أحسن شركة سفر وسياحه اقدر أنظم معاها ولا عليج أمر ؟
الف الف مبرووووك
سيري سويسرا لا تفوتج طبيعتها
انا بسير شهر 5
وتحسييين انج مرتاحه البال وبعييييد عن الحشره والازعاااااااج
بخبرج عن مكااااااان لو تيلسييين فيه شهر كامل بعد تبين زياااده لول
====
بخبرج السر لول ^^ انا في شهر العسل كنت في ها المديييينه الي تخبل
((سويسرا انترلكن))
بخبرج بالتفصيل
اول ما وصلنا سويسرا == وصلنا مطار زيورخ الظهر الساعه 12 بتوقيتهم
نزلنا في فندق الشيرتوون يلسنا في زيورخ يومين بس مدينه حلوه للتسوق وفيها نهر وحديقة عدال الفندق ومتحف
فيها محطه قطار كبيييييره
اليوم الثاني رتبنا اغراضنا ورحنا المحطه بتكسي مع انه المحطه قريبه بس ماحبينا نسحب شنطنا
وكان الجوو روعه وممطر
المهم تغدينا في المحطه في مطعم خاص بالمأكولات البحريه المشهوور في اوروبا كلها
وعقب الغدى رحنا وخذنا لنا كاكاو وجبس و عصاير وماي وها السوالف للدرب ^^ ساعتين في القطاار
ركبنا في الفي اي بي ^^ بس اذا بتطلبونهاا من قبل عن طريق المكتب احسن لكم عن المراكض في المحطه
المهم السويسريين وايد طيبييين مسكين الشيبه ساعدني في المحطه ويوم نزلنا بعد ساعدنا في الشنط وخبرنا اي قطار لازم نركب
في نص الدرب بتغيرون قطاار يعني بتركبون قطاريين في الرحله ^^ صدق كان وناسه خخخ ومواقف تضحك
===
المهم وصلنا انترلكن ( تحسينها مدييييينه الاقزام كل شي صغير ) روعه ريفيه بس متحضره لول
المهم سكنا في فندق ماعرف اسمه صعب لول بس هو ارقى فندق هناك ويطل على ساحه كبيره خضرى وعداله الاسواااق من جهة اليساار و اليمين طوول الطريق كوفي شوبات ومحلات صغيره ومحلات ماركات
===
بخبرج عن انترلكن بالتفصيل
هي مدينه متكامله بمعنى الكلمه
يعني فيها نهر وجبل و ثلج و سوووق و كل الي يخطر في بالج
صدق اذا رحتي لها كل صيف بتصيحين عشان يوديج خخخ شراتي
وبعد بخبرج عن سر فيها وايد حلوو فيها الزحليقه هاااي لا تطوفيييييينها تسمعين لول
وفيها قطار يوديج فووق قمت اليبل وفوق في كوبي شووب رهيييييييب لول
وفي مطعم ايطالي حلو هناك ومطعم هندي رهيييييب بتشربيين كرك في سويسررررررا لول
وبعد في سفينه كبيره تقدريين تروحين فيها بجوله في النهر تقريبا ساعتين ولا تنسيين تشليين وياج شي تاكليينه خخخ انا كان عندي كاكاو نزلنا ركض للمطعم الهندي … بس حبوبه في السفينه شي مطعم وكوفي شووب…
في الشوارع بتشووفين مثل مركباات ايرها خيل بعد وناسه
وبعد في رحله من محطة انترلكن لليبل فووق وتركبين تلفرك وعقب تروحوون فوق في مطعم جمس بوند رووعه (( المواصلات مثل القطار والتلفرك تحتاج بطاقة سويس كارد للمواصلات تقدروون تحصلونها من المكتب للسفرياات يوفرونها لكم و ها البطااقه تخفض لكم اسعاار المواصلات في سويسرا بشكل كبير))توفير يعني لول
انتي لو تسويين سيرج في النت بتشووفيين وايد اشيااء في ها المدينه
+++
اذا بتروحيين سويسرا بعد تقدريين تروحين جنيف و انترلاكن و زيورخ لا تطلعين من سويسرا بتضيع رحلتكم في الطريج مثل ما ضاعت رحلتنا للنمسا مب شييييي
^^ الله يسعدج في النهايه
وان شاء الله اذا فكرتي تروحيين انترلكن واستانستي يوم بترديين خبريني شو رايج في ها المدينه الي تخبل لول
ماشاء الله الاخت الى قبلى ما قصرت
ربي يتمم عرسج على خير