السلام عليكم
حبيباتي ادري ان كل يوم انزل موضوع واستفسر … لكن ما انزله إلا وانا واثقه ان بحصل معلومات حلوة من خواتي
بيكسل مدينه ساحليه
بغيت كل المعلومات عنها
من ناحية السكن
المطاعم
الحدائق
الاسواق
المستشفيات
وسائل الاتصال
الموصلات
ويزاكم الله خير
للرفع
افاااااااااا
حبيبتي بيكسل ما فيها اشياء وايد بس فيه مناطق قريبة منها
لأنها هي قريه صغيرة
فيه منطقه اسمها هايستنج
منطقه مطله عالبحر فيها تاون صغير حق سياحه حلوة, فيها مستشفى
http://www.esht.nhs.uk/conquest/
بسيارة تقدرين او تاكسي او باص المسافه 5 دقايق بينها بالباص او السيارة
شي منطقه ثانيه عدالها اسمها ايستبون فيها مول حلو في الستي فيها مطاعم وسينما نفس الشي بالسيارة
فيه بعد منطقة برايتون طبعا منطقة حلوة وكبيرة وفيها شاطئ جميل واسواق ومطاعم ومستشفيات ومناطق سياحية روعه تبعد ساعتين عن بيكسل وساعه عن لندن يعني الويكاند تقدرون تروحون بالسيارة او القطار اوفر للبترول
واذا بتطلعون حق مناطق ثانيه بالقطار شي محطة (بول قيت) توديكم لأي منطقة
اتمنى اكون افدتج الغالية
ورحله موفقه ان شاء الله والله يرد كل مسافر لأهله بالسلامة قولو امين
دعوة منكم تكفيني
تقبلو تحياتي
يزاج الله خير
اختي لو تعرفين شو احسن وارخص شركة شحن تحسن من الامارات لبيكسل؟
احسن محل فيه الاثاث والادوات الكهربائية ؟
اسعار اجارات الفلل في بيكسل ؟
الاسواق الرخيصه في لندن لان هالشخص اللي بيسير بيعيش فيها 3 سنين وما يعرف عن بريطانيا شي
او سؤال غاليتي ما عندي فكرة عن الشحن من الأمارات الى لندن بس اعرف من لندن الى الأمارات
ثاني سؤال
اماكن الأثاث في بريطانيا احسن مكان هو آرجوز وهذا اللينك تبعه وبتليقة في كل منطقة راح تلقيه في لندن وبرايتون اللي هي قريبة من بيكسل
http://www.argos.co.uk/static/Browse…e|14417894.htm
هو ارخص مكان ممكن اتحصلين فيه اثاث وبأسعار مناسبه
لو في كاردف المنطقة اللي درست فيها ممكن ادلج على اماكن يبيعون مستعمل 
بالنسبة لمكاتب تأجير الفلل ماعندي فكرة عنها بلندن او بيكسل او برايتون عندي فكرة واقدر افيد اكثر في منطقتي اللي درست فيها في كاردف
بس بعطيج اكثر من موقع تبحثين فيه قبل لا تسيري هناك عسب ما تتوهقون
http://www.primelocation.com/uk-prop…_source=google
هذا موقع وايد استفدت منه بالنسبه لتأجير البيوت او السيارات او حتى اذا تدورون اماكن سياحيه في بريطانيا
للأطفال .. معاهد للغة كليات تلقين فيه وايد اشياء وهو يكفي عن عدة مواقع
http://www.gumtree.com/
عزيزتي اخر سؤال ما اعرف اي نوع من الأسواق تقصدين بس اذا مواد غذائية ولحم حلال اجورد رود احسن شي
اتمنى اكون افدتج غاليني وتحياتي
موفقه الغاليه