خبيرات ايطاليا و بالتحديد ميلان محتاجه مساعدتكن ^^

يالله منو قدج في ميلانو الحين .. عاد ما اوصيج يمدحون الشوبينغ فيها على كييفج

الله يحفظكم ويسهل عليكم الغربة يارب وان شاء الله تردون بالسلامة ..

بما انج في ميلانو ترى جنيف قريبه منكم اذا ما سرتيها من قبل ^_*

و بعد عندج مدن الريفيرا الفرنسية شرات ما قلتي كان ونيس و موناكو ومونت كارلو .. هالمدن كلها ساحلية على البحر وتعتبر مدن الأثرياء والمشاهير واجوائها خيالية .. وبعد مارسيليا قريبه منهم وجميلة

فنيسيا حلوة لازم تزورينها مدينة العشاق وحلاتها في هالفترة احسن عن الصيف الجو يكون حلو ومافيها زحمة ..

اما لوقانو ولوكارنو هذي كلها مدن سويسرية على حدود ايطاليا بس طابعها ايطالي 100% وتابعة حق سويسرا وقريبه وايد من ميلانو ..

مدينة فيرونا virona بعد حلوة اذا حصلتي فرصة تزورينها تراها وايد قريبة من ميلانو و فيها بيت روميو وجولييت ^_*

و عندج جزيرة كابري الإيطالية شوفي موضوعي عن الفندق الراقي اللي فيها : http://forum.uaewomen.net/showthread.php?t=389657

:

:

هذا كل اللي عندي حالياً واذا اتذكرت شي بخبرج ان شاء الله

والسموحة ع القصور ^.^