الحلوات إلي مسافرات تايلند

أنا باعلمج بالأماكن اللي عجبتني والأغراض ووين تحصينها

أول شي بانكوك عندج مولات وايد
في منطقة سيام سكوير كلها مولات توصلين المنطقة بالميترو
Skytrain
الميترو نظيف وممكن تاخذين التذاكر من المحطة

عندج مول
Siam Paragon

هالمول كل شي يخطر على بالج فيه ووايد راقي فيه كل محلات الماركات العالمية
والمطاعم اللي فيه حلوة وفيه اكويريام كبير باختصار كل شي فيه

لو حبيتي مول فيه وايد أشيا ورخيص عندج ال MBK
فيه كل الماركات التقليد من شنط وساعات وملابس والكترونيات وDVDs

والمولات وايد كلها جنب بعض يعني تطلعين من مول وتدخلين في مول

عندج بعد Prutu Nam Market
خذت منه اكسسورات للبيت مثل المصنوعات الخشبية واالأسعار مناسبة
وفي محل مجوهرات اشتريت منه عنده تشكيلات حلوة من الروبي والبلو سفاير
في نفس المكان بس لا تنسين تاخذين شهادة انه اصلي.

وفي محلات صغيرة بعد تبيع الحرير التايلندي أخذت منه
يجي قطع يمكن 5 أو 6 أمتار تقريبا أنا خذته وسويت منه مفرش للطاولة مع بعض لمساتي

للرجال في محل ماجيستك يفصل بدلات رجالية وبأسعار تنافسيه شغله مرتب ونظيف

وطبعا عندج Night Bazaar
بتضيعين وسط المحلات كل شي عنده

وطبعا العود التايلندي

سوق تشانغ ماي الليلي عجبني أكثر لأن أولا أهدأ وثانيا في فرق شاسع في الأسعار
أخذت منه أكسسوارات منزلية خشبية و عندهم أحلى تشكيلة من الشنط
إذا كنتي رايحة أجلي مشترياتج في بانكوك واشتري من تشانغ ماي
وفيها مولات وايد والأسعار وااااااااااااايد حلوة

وفي أكبر معرض للمجوهرات اللي هو Gems Gallery
لا تفوتينه عذااااااااااااااااب
أنا اشتريت من اللي في تشانغ ماي بس في فرع في بانكوك
الأسعار لقطة طقم ألماس مع سفاير ب 0 بس وعلى فكرة شي يملي العين
وطبعا هو معروف جدا ومضمون أكيد ألماس أصلي وراح يعطوج شهادة عليه

لكن تبين شي غير ؟؟؟؟
مافي منه في السوق
هذا الشي اللي ابي أرجع له ماشبعت منه
معرض الصناعات اليدوية التقليدية
الأشيا اللي يبيعونها مافي منها في السوق كلها شغل ايد
والحمد لله حظي حلو اني لحقت عليه
هم كل مرة يعرضون في مكان
أكثر شي عجبني القطنيات عندهم ملاحف للأسره قطنية تهههههههههههبل
والسلال بكل الأحجام
والستينلس ستيل أدوات المائدة شي راقي جدداااااااااااااااااااااااااا
وأطقم حلوة مفارش للرضع
المعرض منظم جدا وفي شباب يساعدوج

هذا الرابط لموقعهم خذته من على الكيس خخخخخخخخخ

http://www.thaicraft.org/new/craft-gallery.html

وهذا جدول المعارض اللي يسوونها وأماكن تواجدهم

http://www.thaicraft.org/new/fair-event.html