ودي اموت اليوم واعيش باجر
واشوف منهو بعد موتي فقدني
ومنهو حملني لين ذيك المقابر
واشكر انا كل من كرمني ودفني
واشوف يرثيني انا كم شاعر
ومنهو تركني وماكتب شي عني
شخصا تعنالي مع انه مسافر
وشخصا قريبا وانا ميت طعني
وشخصا يمثل دمعته ماهو قادر
وشخصا تطيح دموعه كل ماذكرني
ومنهو من اهلي فالعزا كان حاظر
ومنهو دعالي في صلاته ورحمني
ومنهو بنا بسمي سبيل ومناظر
ومنهو يفز قلبه لامن لمحني
ومنهو عشاني طول الايام ساهر
ومنهو ثلاث ايام راح وتركني
ومنهو يرتب غرفتي والدفاتر
وان شاف صورة لي مات وحظني
يالله عسا كل المشاعر
يالله عسا ماينصدم يوم ظني
خايف يروح العمر واكون خاسر
وان طار طيري مايفيد التمني
خايف يجيني وقت اكسر خواطر
ان دارت الدنيا وزماني كسرني
ومدام هاذي الدنيا سارت مظاهر
وكل من على كيفه وجوه يغني
صحيح مسلم لكن الهم كافر
كل مابغيت اظحك يهددني حزني
الظيق وافي والحزن حيل وافي
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ظاع مني
قل وش تبي و تتركني يا حزني وامر
مسكين فرحي تصدق انه وحشني
شاعر ولكني ماني بشاعر
ودي اموت اليوم وارتاح مني
جميله الكلماااات
دمت في رعاية الله
روعـه الكلمـآت و حتـى سووها نشـيده 
كلمات جميله ..
ربي يعطيج العافيييه