من قصايد فزاع حلوووو موضووعها

من تسعة ايام كثر الصد وش فادك ماغير حرضت طول الليل لخضاعي

طيرت الأشواق من مرساك وبلادك وذبلت رسايلك ما جاني بها ساعي

يا زين تتوقع أن اللي حصل زادك بالعكس مازادك إلا زاد في أوجاعي

اللي محيرني أنك فالزعل عادك بالشك ولهرجة الواشين تنصاعي

ليكون شين فبالك لك صاير مرادك أخاف قاعد تفكر تلوي اذراعي

هذا ولا الحلم سولفها على رقادك وشلون تبغي تسويها وأنا واعي

لو دمعتك سولفت لكبود حسادك كان الرعيه تقيم قيمة الراعي

من تسعة ايام وانت امطول عنادك تبغي الصراحه ترا ما كان له داعي