ماني اول من يحب ومنت اخر شخص خان

كان لك قلبي مدينه ولاحظ إني قلت : ((كـان))
يعني إنتَ الحين واحد ((خارج حدود المدينة))

ليه مستغرب كلامـي وليـه أعطيك الأمـان
وليه تَكْذِب في كلامـك العـذر وينـك ووينـه

ما ألومك كان قلبـك ثـارت أمواجـه وخـان
الخطأ منَّي لأني صـرت فـي بحـرك سفينة

والسؤال اللَّي كتمته وما نِطَـق فيـه اللسـان
كيف إيديك إطعنتني وآنـا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فينـي ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قـدرت إنِّـك تهينـه

( عزِّتي ).. ما هي جديده آنا شامخ من زمان
إغسل إيدك من رجوعي وروحي يا …………

طاب خاطر قلبي منِّك وهـذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتيـن وثمـان
أدمح الزله عشانـك وأكتـم أنفـاس الغبينـه

كنت أحبك وكنت أعزك والغـلا فينـي جبـان
اخاف تزعل لو ألومك ضعت ما بينـك وبينـه

في عيون الناس عادي بس في عينـي جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخـص خـان
المحبه في زمانك بحرهـا مـن غيـر مينـه

الفشـل .. كـان النتيجـه وأعتقـد آن الأوان
أبني مستقبل حياتي وأنسـى قصتنـا الحزينـه

وخطوتي الأولى غيابي وراح أطبقهـا عشـان
يبكي قلبك لا فقدني والنـدم .. يملـي سنينـه

جاي تسأل عن مكانك !! هو بقى فيني مكان ؟؟
الله يرحمها المشاعر اللي كانـت لـك رهينـه