أخواتي الغاليات ..
أختكم محتاجة مشورتكم وخبرتكم من حيث أجيب موبايل للخدامة ولا لأ
بصراحة أنا من وجهة نظري خايفة اجيبلها موبايل لإني ما بأمن ممكن تحكي مع مين وتتعرف على مين؟؟
الله يخليكم طلبتكم لا تردوني ..
جعله الله في ميزان حسناتكم
انا عطييتهم الموبايل بعد ما شفتهم فترة سنه وبصراحة ترى الشغالة اذا بتيب موبايل بسهولة تقدر اطلعه من وراج وانا اقول جدامي احسن وخاصة الحين كل حد عنده موبايل حتى اليهال….اذا شغالتج يديدة قولي لها اول شبء بشوفج
اذا ارتحت لج بعطيج…واستخيري
مشكورة أختي على ردك ..
بس ما فهمت عليكي شو قصدك ممكن تطلعه من وراك!!
لإني سمعت هالجملة من أكتر من حد ..
شو الطرق اللي ممكن تطلعها من وراي؟
إذا كنت ما أخليها تطلع لحالها…
ولا أخليها تختلط مع خدم ثانيين؟؟
أرجوكم افيدوني .. أفادكم الله
للرفع
أنا ما أنصح بالموبايل بس عن جد يطلعونه من وراك
يعني أنا كانت عندي خدامتين ورفضت أعطيهم موبايل ، لكن لما خدامات الأهل يزورونا اييبولهم ، وحده من الخدامات من أول شهر كل ما أعطيها شغل تتعذر بأنها مريضه وتتهرب من الشغل فقررت أسفرها وشلت الموبايل عنها وشفتها متصوره بالملابس الداخليه ، وايد انصدمت لأنها تصلي كل الفروض واختي قالت أكيد عندها أحد ترسله الصور وفعلا الخدامه الثانيه خبرتني انها تكلم الهنود مثل راعي الغاز وإللي اييب الماء والمخفي أعظم
وعلى فكره قبل سنه كانت عندي خدامه الكل يمدحها للأسف هم أمامنا شي وورانا شي ثاني
دخلت واحد من قرايبها البيت بدون اذني ومع عدم تواجد زوجي ، كنت أنا وعيالي بروحنا ، يعني وصفتله البيت ودخلته بكل سهوله لأنه الغلط من زوجي لما عطاها الموبايل
بصراحه الخدم مالهم أمان
حرام بعد يغمضون يبون يتصلون بعيالهم وهم بغربه
عن نفسي ما اعطيهم إلا بعد اسبوع بس بشروط ماتطلعه وهي تشتغل يعني يكون بغرفتها وبيني وبينكم امرار اشوف فيها خيره اذا عيزت اناديهم اتصل فيهن
لالالالاما انصحج تيبين حقها موبايل تبا تتصل تتصل من تيلفون البيت او من موبايلج لا تعودينها عالدلع احسن لج