مندوس جديم + لمسات أم خليفة = تحفة فنية

عندي مندوس هدتني إياه ربيعتي عقب ما ربيت… وظل عندي فترة في الكبت … والحين قررت أني أستخدمه كتحفة فنية …. عشان كل ما أشوفه أتذكرها…. الله يحفظها

هذي الأشياء الي بتحتاجينها (مندوس – سبراي – جلد – صبغ باللون الذهبي – شريط كريستال)

شليت الأطراف إلي على اليمين وعلى الشمال وبعدين رشيته بالسبراي البني من الجوانب والخلف

إشتري قطعة جلد تكون نفس قياس الغطاء العلوي وقصي معاه حشوة اللباد ( أو إذا عندج إسفنج) وبطانة سادة… بعدين إرسمي على الجلد بالطبشورة خطوط متعارضة بحيث يكون شكله نفس
الدايمون <>

ثبتي الثلاث قطع بالدبوس وخيطيهن بالمكينة على الخطوط الي رسمتيها بالطبشورة ..
(عشان ما تنكسرإبرة المكينة إستخدمي إبرة خاصة بخياطة الجلد عادة يكون رقمها 14)

ثبتي القطعة على غطى الصندوق بمسدس الصمغ ..

إصبغيه من جدام باللون الذهبي عشان يعطيه بعض الفخامة

لصقي على الأطراف شريط كريستال مناسب

وحطيله فيونكة

والحين حطيه في المكان المناسب