السلام عليكم فديتكم
مالي غيركم اقوولكم السالفه
سلمكم الله بشكارتي اندوونيسيه مسكينه وايد زينه ومسلمه وتخاف ربها ما شفت عليها اي شي من سوالف اعوذ بالله منها كبيره في السن باجي على سفرها 4 شهور ومن احينه تصيح تبغيني اجدد لهها وانا اباها اكثر ما اهي تباني عسب تيلس عندي … لانه في بلادها مالها حد
المهم المشكله
ريلي هاك اليوم سلمكم الله يوم يت الخدامه باسبوعين نش ريلي وشل جوازه وسار المكتب عسب ياخذ الخدامه ووصلت خدامتي
بس ريلي ما نزل اوراق الخدامه من السياره اللي هوه العقد مال السفاره شي جي وجوازها وجواز ريلي
وسار الدوام وسواحادث فديته وريلي الحمد لله ماصاابه شي موول بسم الله عليه … احترقت السياره باللي فيها جواز ريلي ويا اوراق الخداامه …. انشغلنا بنقل البيت وووووو
ريلي ظهر جواازه ما عليه نحن مواطنين يعني من البلاد
بس هيه كيف اظهر لها جوازها والعقد وما سويت لها فحص طبي ؟؟؟ وباجي على سفرها كم شهر ساعدووني بليز هل السالفه كبيره
ريلي يقوولي اطمني الدوام بيخلص له كل شي دوام ريلي قوي وايد الحمدلله بس انا احاتي
حبوبه اذا هو قالج اطمني خلاص ليش اتحاتين…. بس انا براي تتصلين بالسفارة الاندنوسية وتخبرينهم بالسالفة … لاني اللي اعرفه لازم اتروح السفارة الاندنوسية عشان يظهرولها جواز يديد …. وان شاء الله الحلوات يفيدونج اكثر
هيه فديتج ما ابا احاتي واهو طمني وقالي الموضوع خالص اصلا ويابلي اوراق فديته ثبت انه جوازها احترق وجي وبس اللي علينا قبل سفرها بشهر انسير السفاره وخلاص يعني الدوام مخلص كل شي
بس مشكلتي احاتي وايد ….. ومشكوره فديتج ردج ريحني
اب اب اب
طبعا الموضوع معقد لو صارت لناس عاديين ومالهم ظهر
لان من المفروض تخبرون سفارة بلادها ويطلعولها جواز جديد اما الفيزا فاعتقد ممكن يطلعونها من الجوازات او المطار .. وهي صار لها فترة طويلة قرب السنتين
وماسويتولها فحص طبي ولا بطاقة صحية وهذه عليها غرامة مالية كبيرة
بس اللي عنده ظهر ولا يهمه .. وانت يوم انه ريلج طمنج ولا يهمج ..
حطي في بطنج بطيخة صيفي في عز الشتا