مرحباا الساع
وعلومكن
عساكن بخير ومب متغربلات ويا الخدامات
أول شي بخبركن عن سالفتيه
أنا الله يسلمكن في بيت هليه عندنا خدامه من تقريبن ست سنين وهي كانت ساده كل شي ويبنا خدامه غيرها تساعدها ماكنا متنبهين لشغل البيت ومنو لي تشتغل ولا لا وخدامتنا الاولى سافرت 3 شهور وأنا وأختي سدينا الطبخ وأحيان قسيل المواعين
وماترتب حجرنا ونحن مانبدل وايد
المهم الخدامه الثانيه رااافعه ضغطي باااااااااااااااااااااااااااارده وبطييييييييييييئه سلحفاااااااااااااه
وانا من النوع ماحب أأمر ومي نفس الشي
وحس الخدامه تشتغل ومالها خاطر يعني اكرره أأمر عليها
عااد اليوم رتفع ضغطي بالقو يا مال المكيفات ونضف المكيف وعبالي غااز وتعرفين عقب العمال وتنضيف المكيف خيسه ستوت حجرتيه
وانا بنات عمتيه بين يباتن عندي وكنت سايره أتعشى بيت عمتيه قلتلها نضفي
سرت اتعشى و أنا مأمنه الأخت بتنضف
رديت لقيتها بس خامه مكان وين مخيسين مال المكيف وماسحه وحتا فودت التنضيف مفروره أي كلااام
والفراش نفس ماها والثياب في السله والحمام عزكم الله نفس ما خليته
وهي الأخت الساعه عشر رايحه ترقد
ويوم اطلب منها شي تنضف على دوبهاااااااااااااااااااااااا
أنقهر أنقهر أنقهر هي بس زينه في شي واحد في غسل الثياب وتربيعهن تربيعها فن مرتبه
انا مب مهم لو عقيت الكندوره وغسلتها ويابتها بعد سبوع
هي تغسلها وتيبها باليوم الثاني
أهم شي عندي أن المكان يكون نضيف
لي تعرف السنع الخدامه تعطيني خبره
بلييييز
ومشكورااات
شوفي حبيبتي انا مب من النوع العصبي وياهم اضحك واسولف وبشكارتي نفس الشي بس اول مايبتها امرت عليها وفهمتها شو ابا وشو ما أبا وكيف وليش واحين ماشيه مثل الساعه لأني يلست وياها حتى غسيل الحمامات غسلت وياها عسب تشوف كيف وتسوي اللي انا اباه واذا شفت شي ماعيبني ازقرها ترد تنظف تميت ع هالحاله يمكن اسبوع او 10 عقب شوي شوي فهمت وقامت تسوي بروحها والحين انا مارمس اظهر من البيت اييب اليهال من المدرسه ارجع احصل مكيف حجرتهم شغال وثايبهم فوق السرير يخلصون يبدلون يطلعون الصاله غداهم جاااااااااااااهز جني انا اللي مرتبه لهم وانا يالسه ع الاب خخخخخخخخخخخخخخ
يعني انتي لازم ترصينها شوي لين تعرف وتفهم ومب بالصراخ لانهن يعاندن والله وعن تجربه رمسيها واشتغلي وياها عسب تشوف كيف تنظفين وعقب بتسوي بروحها ولاتقولين ماحب امر عليها لازم تأمرين عسب تعرف شو تبين
أوكي ببتدي هالشي من يوم السبت لان هالويكند عندنا بنات عمتيه الله يعينااا بس
انا افضل ما ادخل الخدامة الغرفة نهائيا ً
يكفي تسوي باقي شغل البيت
والبنات الكبار يقدرون رواحهم يغسلون وينظفون غرفهم
مع شوية تنظيم وترتيب
يعني لو كل وحدة فينا حست ان الشغل عليها بتنش روحها بتنظف ولا بتخلي الشغل يرتاكم ع راسها
يعني من اشوف شي ع الارض اشله ولا اخليه واعتمد ع الخدامة
حتى الصغار عودتهم ع هالشيء ان كل واحد ينظف مكانه ولا يخيسون
وجهة نظر
ما عندي الحمدلله
ومرتاحة ^_^
الحمدلله ما أخلي البشكارة تقرب من الحجرة إلا جان بتييب أغراضي (ثيابي)
وفي البداية يلسنا وياها شهر بس نعلمها وكيف ترتب وقتها لشغل البيت والحمدلله تشتغل
بلاااوي ها الخدااامات الله يعيناا انا عندي وحده عيوووز عايفه عمرهاا
شيره يوز الهند تحووط فالبيت هيه زينه ويا اليهال بس عيوز يختى تباا اللي يخدمها
عقب رمضااان بطلق سرااحهااا بس عليها حليلهاا 