اشحالكم .. عساكم ابخير
.gif "13 (41)")
..حبايبي اليوم اباكم بموضوع خطيييييييييييير هههههههههه .. ابا اعرف اصول و اساسيات تكريم الضيف .. يعني يوم حد اييج البيت .. كيف تتصرفين معاه ؟ وشو الاتيكيت اللي ممكن تتبعينه .. انا بعد ابا اعرف متى اندخن الضيوف ؟ اول ماييون البيت ولا نتريه شويه مثلا انقرب بهم و نفاولهم و بعدين اندخنهم ؟؟ في ناس بعد اتحب اتعطر الضيوف .. شو الوقت المناسب لهالحركه ؟ باختصار يعني ابا اعرف شو اتيتكت الضيافه اللي تتبعونه.gif "12 (75)")
.. اتريه ردودكم.gif "12 (55)")
أول شي تستقبلينهم و تسلمين و تقدمين العصير و القهوه و الشاي للي يحب و عداله سويت القهوه و الفواله
ثانيا تقدمين الوجبة .. إذا يايين على غدى و الا عشاء… و وعقبها بعد سويت و اللي يحب يتقهوه أو يشرب
شاي أو مشروبات غازية كل حد براحته
ثالثا عقب في نهاية الجلسه تمرين عليهن بالمدخن و العطور الفرنسية إذا هن صغار في العمر … و إذا كبار
حطيلهن دهن عود و ربعه يعني عطور عربيه
تختلف المعاني من مكان للثاني
وعليكم السلام
احنا اول مايونا الضيوف اندخلهم ميلس الحريم
اول شي انقدم العصير ونقعد شوي انسولف
بعدين انييب الفواله
بعد الفواله انييب الحلو
وبعد السوالف انييب الدخون والعطر
والسموحه
مشكورين فديتكم على المشاركه .. يعني ادخنهم في اخر اليلسه قبل ما يظهرون ؟ اخاف يتحروني بروغهم بطريقه مأدبه خخخخخخخخ
شوفي كل مكان يختلف عن الثاني… نحن (في بوظبي وظواحيها) أول ما ايون الضيوف نستقبلهم بالمدخن والقهوه… بعدين تمررين العصير… عقب يتفضلون عالفواله (إذا كانوا بيتعشون أو يتغدون فلا تكثرين الفواله) عقب ما يخلصون قعدوا سولفوا وعطريهم ودخنيهم (إذا ضيوف عن ريلج يعني إذا رياييل لا تعطرينهم)… إذا بيتغدون أو يعشون عقب الفواله قعدوا سولفوا بعدين خليهم يتغدون/يتعشون عقب مرريلهم الشاي والحلاوه … عقب دخنيهم وعطريهم.. مب شرط حق البنات فرنسي والكبار غير… كله واحد المهم يكون حلو… طبعا دخنيهم بعود مش بمعمول…
ما عقب العود قعود
هالمثل اللي ينقال والمعنى انه العود (الدخون) يكون في آآآآآخر اليلسه
هالسلك اللي نحن نتبعه
وفي تقديم القهوه والعصير على حسب ضيوفج (حريم ولا بنات ولا رياييل)
المشاركة الأصلية كتبت بواسطة منشغل بالها دوم 
ثانيا تقدمين الوجبة .. إذا يايين على غدى و الا عشاء… و وعقبها بعد سويت و اللي يحب يتقهوه أو يشرب
شاي أو مشروبات غازية كل حد براحته
ثالثا عقب في نهاية الجلسه تمرين عليهن بالمدخن و العطور الفرنسية إذا هن صغار في العمر … و إذا كبار
حطيلهن دهن عود و ربعه يعني عطور عربيه
تختلف المعاني من مكان للثاني
نحن عادتنا شرات اختي منشغل بالها دوم