السلام عليكم ورحمة الله وبركاته
اشحالكم خواتي وعساكم بخير
من فتره انا كتبت في موضوع ان ابا اغير غرفتي وادور على ورق جدران…
بس بصراحه ماشي وقت انا راده من السفر اول رمضان وتعرفون هالشهر سبحان الله طاف بسرعه ( الله يعودنا وياكم عليه كل سنه بخير وبصحه وعافيه ان شاء الله) وقلت باخلي الغرفه لين بعد العيد
بس اليوم بالصدفه كنت سايره الخياط وشفت محل ديكورات دخلته وسئلت عن الور الجدران اللي عنده
وعيبني ها وااااااااايد
خاااصه اذا دخلنا عليه لون غير مثل الاحمر او برتقالي او فوشي
وبعد فيه اشكال ثانيه بنفس اللونييين( الابض والاسود)
بس بغيت اخذ رايكم في الصوره شرايكم وشو تنصحوني فيه؟
السلام عليكم
من ناحية حلو فهو ماعليه كلام .. وايد حلو بعد ..
بس بتملين منه بسرعه خاصه إذا لغرفة نوم ..
إذا وايد داش خاطرج حاولي أنه تخلين يدارين متجابلين بلون ساده .. أبيض مثلا ..
وبالتوفيق حبوبه 
هلا اختي مناايه
ومشكووره على ردج
ما ادري انا من النوع اللي ما امل بسرعه صابره على حجرتي 10 سنوات وما غيرت شي فيها واحين ناويه اغيرهااا
بس اختي ماعرفت كيف بس احط يدارين متجابلين؟؟
ابا افكاار
شايفه وحده من البنات مسويه غرفتها نفس الورق الجداران بس في منتدى ثاني حسيته اوفر يتعب العين
اظني في منتدى عروس
حبوبه .. قصدي إذا بعدج مصره على التصميم اللي حطيتيه .. يفضل لو تحطينه الورق المشير على يدارين متجابلين من الحجره .. واليدارين الباقين يكون لونهم ساده
لو حطيتيه في الحجره كلها دور ما داير شرات ماقالت الإخت بيتعب العين خصوصا أنه لونه أبيض و أسود .. لو كان ابيض و لون ثاني وايد فاتح ماعليه ..
بس هالألوان يسمونها sharp .. وايد حاده .. ونتريا باقي الخوات يمكن يفيدن أكثر :0
نايس حبيته .. الغلا من وين خذتيه
روعه يا عمري ,,,ما شاء اله عليج ذووووووووووووق وتوكلي على الله … وتناسب هاللون اكسسوارات بلون فضي