السلام عليكم بنات
أول شي مبارك عليكم عرسكم : )
بإذن الله عرسي بيكون في الاسبوع الاول من يناير يعني بعد شهرين ان شاء الله
وبصراحة انا مووول موب جاهزة لاني اداوم في القطاع الخاص و دواامي وااايد طويل و ما ألحق ادور شي، انا اول وحدة اعرس في العايلة و حاسه بضغط كبيييير لان ووقتي وايد محدود وبصراحة بديت افكر أاجل العرس 
أبى فزعتكم حبيباتي في حصر الأماكن و الاشياء اللي شفتوها حلوة و بأسعار معقولة اثناء ما كنتم اتدورون لعرسكم هالسنة:
– وين حصلتي أجمل فساتين العروس المؤجرة؟ (اسم محل أو وحدة أتاجر) وشو الميزانية المعقولة لايجار الفستان؟ (أفكر بين ال4 آلاف و ال7 آلاف)
– وين حصلتي فستان حنتج ، بصراحة أفضل الإيجار و اباه هندي ، واللي عندها يرجى تتواصل معاي عالخاص مع صورته و سعره
– منو حنتج؟ و كم سعرها
– ليتات بيت العروس، من أي شركة خذتم الخدمة و كم كان سعرهم (ترى امي دوم تسألني هالسؤال)
– جوتي العرس من وين يبتيه
– باقة عرسج من وين
– أي نصيحة ثانية؟
ومشكووووووووورات 
مووووووووووووووووووووووووووووووفقة
موفقه
إذا كان قياسج سمول أو ميديم و إذا كنتي من بوظبي عندي فستان يجنن بمعنى الكلمه و طرحته أتحدى اذا شفتي شراتها فاي مكان ،، و إذا حابه اتشوفينه اتواصلي معاي
و باقي الاستفسارات ياليت لو تقولين لنا انتي من أي اماره عسب نقدر انخبرج عن أفضل الأماكن و الصالونات ،،الله يوفقج و يسعدج❤
المسكه عندج اكاونتات الورد فانستغرام
انا تعيبني مسكات fiore
انا الحمدالله خلصت كل شي تم وكنت كنحمسه اخبركم وبخبركم عن تجهيزتي بس ابا تشجيع وردود نبا حماس اهم شي ان تنظمين عمرج وتسجلين كل شي بدفتر عسب ماتنسين شي والله يتمم لنا ع خير يارب هيه واهم شي اذكار الصباح والمساء والرقية الشرعية كل ماحصلتي فرصه ان شاء الله قريب بنزل موضوعي عشان خاطرج
هذا رابط تقرير عرسي ان شاء الله تستفيدين منه واذا حبيبتي الاسماء اللي تعاملت معاها خبريني لان الاداراة مسحتهم وماروم احطهم الا بطلب وربي يتمم لج ع خير واي سؤال كلنا خواتج وحاضرين لج
الف مبروك