الســــــــــــلام عليكم ورحمه الله وبركاته …
حبيباتي الحلوات … أكيد كل وحده تبا تتميز في ليلة عرسهــــــا … وتلبس فستان العمر … بس بعض المصممين أو الي يأجرون الفساتين …… اتكون اسعارهم مبالغة جدا … وشيء منهن يسألوني تعرفين وحده تأجر ب 5000 واقل ويكون الفستان نوعا ما يديد طبعا مستحيل تلقين فساتين جديدة وبهالاسعار الا اذا كان الخياط مب معروف او القطعه مب حلوة او رخيصه …. وما الى ذاك … خلونا ناخذ خبره منكم …
1- اذا صممت فستان عرس كم ممكن تدفع؟
5000- 10000 درهم
10000-25000 درهم
25000-50000 درهم
50000 وفوق …
2- اذا اجرت الفستان كم تقريبا تكون ميزانيتها ؟
1000-5000 درهم
5000-10000درهم
10000 -0 درهم
0 وفوق
3- شو الموديل المفضل لديك ؟
فكتوري ملكي
اوروبي سمبل
لبناني سمبل
لبناني ثقيل
فصوص وقصات وحركات غريبة
كورسيه والتنورة منفوشة
4- الطرحة كيف تكون ؟
قصيرة سادة
طويلة سادة
قصيرة طبقات سادة او شغل خفيف
طويلة طبقات سادة او شغل خفيف
قصيرة مع شغل (فصوص دانتيل )
طويلة مع شغل ( فصوص دانتيل )
5- اذا كنت ناوية تدفعين مبلغ محترم … لازم تسوينه عند مصمم معروف؟ ولا اذا لقيتي فستان حلو شكله و مصمم عادي بتشترينه او بتفصلين عنده ؟
الي تعرف تاجرات / حريم يأجرن فساتين بسعر رخيص ….. ياليت تكتب الاسم واطرش لي رقمها ع الخاص …… 
فيه محل يبيع فساتين اوروبية يديدة من ٥ الاف وطالع ويمكن فيه اربع و٣ الاف ل ١١ الف مااااااكسيموم
يديدة مب ملبوسة بدون الطرحة
ومب القماش خايس او اي شي
اصلا كل اللي ياجرن اييبونه من امريكا وايطاليا واسبانيا
واسعارهم مقبولة من الجهة المصدرة بس هني يغلون استغلااااال
فاللي بتسوي لها بزنس فساتين اعراس والله بتربحححح
بس لو تراعي الناس بعد ربي بيباركلها وبتكسب دعاوي حلوة
المهم المحل اللي اطريه شريت منه فستان عرسي امس وجداااا رائع
اوروبي فيه اشياء تلمع وقصته ايه لاين
بوظبي، البندر ، فوق سوبرماركت سبينس
انا فستان عرسي شريته والحمدلله قيمته ماتجاوزت ال10 الاف
وخامته ممتازه والتشطيبات ممتازه من ماركة لاسبوزا الاسبانيه
والطرحه دانتيل طويل وكان سمبل عيب الكل الحمدلله و انصدموا انه قيمته جي توقعوا اغلى
اما الايجار كنت خايفه من فكرته انه امانه وجي مابرتاح لو صار فيه شي
والتفصال بياخذ وااااااايد وكلهم حراميه حرااااميه
حرام كلها ليله وحده وساعات محدوده
صدقكم والله ……. افكار حلوة …
عني انا كان عرسي من ست سنين وفستاني كان بخمس أو ست آلاف تقريبا ما أذكر بالضبط وكان خيالي وما يعطي شكله وكله كان من اللولو وأجرته وكنت أنا أول لبسه وخبرت المصمم باللي أباه والمحل كان في الشارقه اول ما تدخين أعتقد شارع الوحده كله فساتين وأسعارها حلوه .. وبصراحة انا ما أفكر في فستان أغلى من جيه لأنه حرام ليله وحده بس أهم شي عندي انه يكون روووعة في يوم العمر والحمدلله الله وفقني
السلام عليكم أختي العزيزة
ما يهمني كان غالي أو رخيص
المهم عندي يكون الفستان حسب رغبتي وذوقي لأن الفستان يعكس شخصيتك وحسن اختيارك
1- اذا صممت فستان عرس كم ممكن تدفع؟
5000- 10000 درهم
10000-25000 درهم
25000-50000 درهم
50000 وفوق …
2- اذا اجرت الفستان كم تقريبا تكون ميزانيتها ؟
1000-5000 درهم
5000-10000درهم
10000 -0 درهم
0 وفوق
3- شو الموديل المفضل لديك ؟
فكتوري ملكي
اوروبي سمبل
لبناني سمبل
لبناني ثقيل
فصوص وقصات وحركات غريبة
كورسيه والتنورة منفوشة
4- الطرحة كيف تكون ؟
قصيرة سادة
طويلة سادة
قصيرة طبقات سادة او شغل خفيف
طويلة طبقات سادة او شغل خفيف
قصيرة مع شغل (فصوص دانتيل )
طويلة مع شغل ( فصوص دانتيل )
5- اذا كنت ناوية تدفعين مبلغ محترم … لازم تسوينه عند مصمم معروف؟ ولا اذا لقيتي فستان حلو شكله و مصمم عادي بتشترينه او بتفصلين عنده ؟
أدفع بس مب أكثر عن 25 الى 50 لأن فستاني كان على أيامها 35 ألف و بعدين بعته ب 30 ألف على نفس المصمم ،،، ثاني يوم ،،، وكان نظيف ،،،
الي تعرف تاجرات / حريم يأجرن فساتين بسعر رخيص ….. ياليت تكتب الاسم واطرش لي رقمها ع الخاص ……
ما اعرف غير منى المنصوري